En Lomeo, la ĉefurbo de la ŝtato Togolando en okcidenta Afriko, la 28-an de februaro 1975 subskribiĝis unu el la plej gravaj interŝtataj konvencioj: inter la Eŭropa Komunumo (la hodiaŭa Eŭropa Unio) kaj la la ŝtatoj de Afriko, la Pacifika Oceano kaj Karibio - la tiel nomataj (AKP-ŝtatoj). En la konvencio fiksiĝis la financa kaj ĝenerala politika kunlaboro por 5 jaroj (poste 10 jaroj). La Konvencio de Lomeo estis nomita laŭ sia subskriboloko.
Kun tri sekvaj konvenciaj detaligoj, la konvencio de Lomeo validis ĝis la 29-a de februaro 2000. Poste diskutiĝis kaj dum junio 2000 subskribiĝis la konvencio de Kotonuo, kiu daŭrigas la tradicion de la Lomea interkonsento.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.