Konkuro (de la latina vorto concurrere „kunkuri“), laŭ PIV estas ĝenerale la peno superi alian, kiu havas la saman difinitan celon.

Povas temi:

• pri rivaleco, la ĝenerala emocia fortokomparo pri potenco, socia renomo aŭ simpatio, aparte en la privataj interhomaj rilatoj kaj en la politiko;
• specife en ekonomio pri konkurenco, do la komerca, industria kaj negoca fortokomparo de diversaj entreprenoj aŭ iaspecaj ekonomiaj unuoj pri klientoj;
• en biologia senco, pri biologia konkurado/lukto inter diversaj vivaĵoj por malabundaj valoraĵoj (kiel akvo, nutraĵo, sekura dormloko ktp);
• en jura senco pri la samtempa aplikeblo de pluraj juraj normoj je la sama temo;
• en sporto pri la fortokomparo en konkurso, vetkuro kaj
• simile, ankaŭ en iuj aliaj sociaj areoj, pri forto- aŭ kvalito-komparo en konkurso: ekzemple, konkurso de arkitektoj pri la plej bona arĥitektura koncepto por realigota konstruaĵo.