Kiel legi la taksonomion Geranio kolomba
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonaj plantoj Magnoliopsida Ordo: Geranialoj Geraniales Familio: Geraniacoj Geraniaceae Genro: Geranio Geranium
Dunomo
Geranium columbinum L.
Aliaj Vikimediaj projektoj

La Geranio kolomba (Geranium columbinum) estas specio el la familio Geraniacoj.

Difino

Tiu ĉi herbeja unujara planto meze atingas altecon de 15-30 centimetroj. La tigo, haroza, pli malpli rektas, foje horizontas kaj disbranĉiĝas. La folioj paras kaj preskaŭ kvinangulas. Ili estas dividitaj ĝis la petiolo en kvin aŭ sep partojn, ĉiu parto estante mem profunde ĉizita. Tial ili pensigas pri kolombaj piedoj. La floroj posedas aparte longan pedunklon. Ili estas purpur-rozkoloraj, 15 – 20 mm larĝaj, iliaj 5 petaloj longas same kiel la sepaloj / kun 10 stamenoj. La bekforma frukto longas 2-2,5 cm.

Florado : marto-septembro

Loĝ- kaj kreskloko

Oni ĝin renkontas en aŭ rande de arbaroj, en heĝoj kaj rande de vojoj. Geranio kolomba emas kalkajn grundojn. Ĝi estas disvastigita en tuta Eŭropo ĝis la nordo de Irlando, en okcidenta Azio kaj en Nordafriko. Ĝi estis enkondukita ankaŭ en Nordan Amerikon.