angle Glider - estas la emblemo de kodumula movado, proponita de Eric Raimond

Kodumulo aŭ kodrompisto[1] (angle: hacker) estas programisto kiu tiel bone regas programlingvon aŭ operaciumon ke li povas sen peno verki programojn. Plejofte en praktiko estas persono kiu inventas teknologion, ellaboras, realigas, testas kaj plibonigas ĝin. Kodumuloj trovas nekonvenciajn, sed efikajn solvojn por cimoj kaj diversaj aliaj komputilaj problemoj pere de disponeblaj rimedoj.

Kodumuloj ne ĉiam laboras same "oficiale". Foje okazas ke ili aliras komputilajn sistemojn por pruvi ke ekzistas sekuriga problemo. Plej ofte tion kodumulo faras ĝuste por helpi solvi tiun "sekurigan truon". Se kodumulo misuzas sian konon, oni parolas pri retpirato aŭ kodrompisto (angle: cracker). Kodumuloj provas aktive kontraŭi piratojn.

Ofte kodumuloj subtenas la ideon de libera programaro aŭ eĉ al ĝi aktive kunlaboras.

Notoj

  1. ↑ Yves Nevelsteen, Komputeko, E@I, 2008, Partizánske, Slovakio. 94 pp. p. 45.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.