| Kock | |||
|
| |||
| Blazono | |||
 | |||
| urbo | |||
|---|---|---|---|
| |||
|
| |||
 Mapo Mapo | |||
| Genitivo de la nomo | Kocka | ||
| Provinco | Lublinio | ||
| Distrikto | Distrikto Lubartowski | ||
| Komunumo | Komunumo Kock | ||
| Speco de komunumo | Urbo-kampa | ||
| Urborajtoj | 1417 | ||
| Koordinatoj | 51° 39′ N, 22° 27′ O (mapo)51.6522.45Koordinatoj: 51° 39′ N, 22° 27′ O (mapo) | ||
| Areo | 16,79 km² | ||
| Loĝantaro | 3509 (en 2004) | ||
| Loĝdenso | 209 loĝ./km² | ||
| Poŝtkodo | 21-150 | ||
| Telefona antaŭkodo | 81 | ||
| Aŭtokodo | LLB | ||
| TERYT | 3060908064 | ||
| Titolo de estro | Urbestro | ||
| Adreso de estraro | ul. Krasickiego 27 | ||
| Poŝtkodo de estraro | 21-150 | ||
| Telefono de estraro | 81 859-10-05 | ||
| Fakso de estraro | 81 859-10-59 | ||
| Poŝto de estraro | kock@kock.pl | ||
| Komunuma retejo | http://kock.pl/ | ||
Kock estas urbo en Lublinio en Pollando. Ĝi apartenas al komunumo Kock en distrikto Lubartowski. Privata nobela urbo iĝis en 1417. Laŭ donitaĵoj el 2010 en la urbo estis 3 619 loĝantoj.
Nomo
La nomo aperis en notoj el 1258 kiel Cocsk. En la 15-a jarcento uziĝas la nomo Kocsko (Koczsko en 1427). En 1787 la urbonomo skribiĝas kiel Kocko. De la 19-a jarconto oni uzas la nunan formon.
Historio
La unua daŭra setlejo en la nuna Kock datiĝas ekde la 10 jarcento. En 1417 reĝo Ladislao la 2-a Jogajlo, laŭ peto de episkopo de Płock, eldonis lokigan privilegion por Kock kiel hereda vilaĝo. La privilegion konfirmis filo de Jogajlo – Ladislao la 3-a en 1443 en Buda. En 1518 la urbo estis posedaĵo de granda krona hetmano kaj vojevodo de Sandomierz – Mikołaj Firlej el Dąbrowic (distrikto Lubelski). La familio Firlej regis en Kock ĝis la 2-a duono de la 17-a jarcento. Sub ilia regado la urbeto iĝis grava centro de reformacio. Ĉirkaŭ 1750 Kock iĝis proprietaĵo de princino Anna Jabłonowska el domo Sapieha, kiu trakonstruis la urbon, interalie per difino de urboplaco. Ŝi fondis urbodomon, preĝejon kaj palacon laŭ projekto de Szymon Bogumił Zug. Provo de diversaj reformoj en ŝia heredaĵo finiĝis per bankroto. Post ŝia morto Kock transprenis ŝiaj pruntedonintoj – bankistoj de Varsovio. Koninda persono de juda societo estis cadiko Mendel Morgenstern, kreinto de t.n. kocka ĥasidismo (en la jaroj 1834–1859). Tiutempe al Kock alvenadis pluraj pilgrimantoj. En la 19-a jarcento loĝantaro aktive partoprenis naciajn insurekciojn kontraŭ Rusia Imperio, pro kio la urbo de 1870 estis senigita de urborajtoj, kiujn reakiris nur en 1915.
Apud la urbo okazis pluraj bataloj dum pola-aŭstra milito, novembra ribelo, januara ribelo, pola-bolŝevika milito kaj la germana invado en Pollandon.
La 36-an tagon de la germana-pola milito komandanto de la lasta kvartaga batalo apud Kock — taktike venka por poloj, strategie por germanoj — generalo Franciszek Kleeberg subskribis je la 10:00 kapitulacon, pro manko de armiloj (30 000 germanaj soldatoj kontraŭ 17 000 polaj, kiuj ne povis retiriĝi pro alveno de nova germana divizio). Bilanco de la perdoj: germanoj 10 572 mortigitoj, 3404 perdiĝintoj, 30 322 vunditoj, 217 tankoj detruitaj kaj 285 aŭtomobiloj (neplenaj kaj malaltigitaj donitaĵoj), poloj: 66 mil mortigitoj, 133 mil vunditoj, ĉ. 400 mil soldatoj en mallibero.
Liberigo de la urbo sekvis la 22-an de julio 1944, kiam bataliono de la 27-a Volinia Divizio de Pola Enlanda Armeo sub komando de leŭtenanto K. Filipowicz eniris la urbon.
Pro pluraj provoj sovetigi Kock, la 1-an de majo 1945, taĉmento de Marian Bernaciak „Orlik” okupis la urbon kaj likvidis kelkiujn membrojn de Pola Laborista Partio.
Vidu ankaŭ
- Berek Joselewicz
- Anatemitaj Soldatoj
Eksteraj ligiloj
