 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
_(cropped).jpg.webp) Klapertona frankolino | ||||||||||||||
| Biologia klasado | ||||||||||||||
| ||||||||||||||
| Francolinus clappertoni (Children, 1826) | ||||||||||||||
| Konserva statuso | ||||||||||||||
Aliaj Vikimediaj projektoj | ||||||||||||||
La Klapertona frankolino (Francolinus clappertoni) estas birdo de la familio de Fazanedoj de la ordo de Kokoformaj kaj grupo de afrikaj frankolinoj. Oni ĵus proponis reorganizadon de tiu specio de Francolinus en la genro Pternistis kun 23 aliaj specioj. Ĝi formas superspecion kun la F. icterorhynchus, F. bicalcaratus kaj la F. harwoodi. Ĝi estis inkludata en la genro Chaetopus. Proponitaj rasoj sharpii, konigseggi kaj nigrosquamatus estas ekzemploj de klina variado (komplika geografia variado en plumaro), la valido de rasoj estas dubinda kaj ne meritas subspecian statuson. Ĝi estas monotipa.
Ĝi troviĝas en norda Kameruno, Centrafrika Respubliko, suda Ĉado, Eritreo, Etiopio, orienta Malio, Maŭritanio, centra Niĝero, nordorienta Niĝerio, suda kaj centra Sudano kaj norda Ugando.
Temas pri tre kamufle strieca birdo kun vertikala strieco fajne blankanigra ĉe kolo, brusto kaj flankoj, dum la dorso estas pli malhelbruna kaj kun nigra punkteco. La kruroj kaj bekobazo estas ruĝecaj dum la bekopinto estas nigra; estas krome kiel kapobildo ruĝa haŭtaĵo ĉirkaŭokula inter du blankaj strioj, nigra mustaĉa strio, bruna makulo ĉe orelareo kaj malhelbruna krono. La gorĝareo estas blankeca.
Referencoj
- BirdLife International 2004. Francolinus clappertoni. 2006 IUCN Ruĝa Listo de Minacataj Specioj. Konsultita la 10an de julio 2007.
| ||||||||||||||||||