Kievo
ukraine Київ Kijivo
urbo kun aparta statuso
Fotomontaĵo
  Flago
  Blazono
Oficiala nomo: Київ
Lando Ukrainio Ukrainio
Provinco Kieva provinco
Historiaj regionoj
4
Metroo Metroo de Kievo
Memorindaĵoj
5
Rivero Dnipro
Situo Kijivo
 - alteco 179 m s. m.
 - koordinatoj 50° 27′ 00″ N 30° 31′ 25″ O / 50.45000 °N, 30.52361 °O / 50.45000; 30.52361 (mapo)
Areo 839,00 km² (83 900 ha)
Loĝantaro 2 952 301 (2022)
Denseco 3 518,83 loĝ./km²
Ravino Babij Jar
Unua skribmencio 882
Primatoro Vitali Klitschko

(ekde 25-a de majo 2014)

Horzono OET (UTC+2)
 - somera tempo OEST (UTC+3)
Poŝtkodo 01000—06999
Telefona antaŭkodo +380-44
KOATUU 8000000000
Honorigo Urbo-Heroo
Situo enkadre de Eŭropo
Situo enkadre de Eŭropo
Situo enkadre de Eŭropo
Situo enkadre de Ukrainio
Situo enkadre de Ukrainio
Situo enkadre de Ukrainio
Urba mapo
Urba mapo
Urba mapo
Vikimedia Komunejo: Kyiv
Retpaĝo: www.kmv.gov.ua

Kievo[1][2][3] aŭ Kijivo[2][4] (ukraine Київ) estas la ĉefurbo kaj plej granda urbo de Ukrainio. Ĝi plej verŝajne havas ĉirkaŭ 4 milionojn da loĝantoj, kvankam la popolnombrado en 2008 oficiale registris nur 2,8 milionojn da loĝantoj. Laŭ la stato de 2022 en Kievo vivis 2 952 301 loĝantoj sur areo de 848 kvadrataj kilometroj, kio rezultigas loĝdenson de 3 481 loĝantoj/km². Kalkulante la neregistritajn loĝantojn, Kievo estas la sesa urbo kun plej multaj loĝantoj en Eŭropo.[5]

La urbo situas en la nordo de Ukrainio, sufiĉe proksime al la landlimo kun Belorusio (en la direkton de Homel). La urbon trairas la rivero Dnepro.

Historio

Eŭromajdano, fotoj de manifestacioj en Kievo, i.a. sur la foto n-ro 2 estas fama ukraina kantistino, kiu partoprenis la manifestaciojn Ruslana t.e. Ruslana Stepanivna Liĵiĉko, sur la lasta foto oni vidas la reston de la monumento de Lenino faligita la 8-an de decembro 2013.

Kievo estis fondita inter la 5-a kaj la 6-a jarcento por Kieva Regno.

Dum la Dua Mondmilito Kievo estis loko de du gravaj bataloj inter kiuj la urbo estis okupaciita de Nazia Germanio.

Geografio

Kievo etendiĝas ĉe ambaŭ flankoj de la rivero Dnepro, kiu fluas suden tra la urbo, en la direkton de la Nigra Maro. La plej malnova urboparto situas en la dekstra flanko (okcidente de la rivero); dum la 20-a jarcento, la urbo plivastiĝis kaj oni ekloĝis ankaŭ la maldekstran flankon (oriente de la rivero). Parto el tiu lando estas protektita de digoj.

Klimato

La averaĝa ĉiujara pluvokvanto sumiĝas je 621 mm. La averaĝa ĉiujara temperaturo estas 8 °C.

La urbo havas kontinentan klimaton. La plej varmaj monatoj estas junio, julio kaj aŭgusto, kiam la maksimumaj temperaturoj varias inter 13,8 kaj 24,8 °C; la plej malvarmaj monatoj estas decembro, januaro kaj februaro, kiam ili varias inter -4,6 kaj −1,1 °C. Kievo kaj la ĉirkaŭaj regionoj estas kovritaj de neĝo ĝenerale ekde la mezo de novembro ĝis la fino de marto.

Ekonomio

Ĉirkaŭ 10% de ukraina ekonomio estas en Kievo.

Vidindaĵoj

La plej fama strato en la urbo nomiĝas Ĥreŝĉatik.

En Kievo estas multe da preĝejoj, monumentoj kaj aliaj vidindaĵoj. La urbo aldone havas 27 muzeojn kaj 25 teatrojn.

Servoj

Transportado

Tramoj en Kievo
Metroo en Kievo

Urba transporto

En Kievo oni uzas krom metroo ankaŭ aŭtobusojn, tramojn kaj trolebusojn. Oftaj estas ankaŭ marŝrutkoj. Krome funkcias la Funikularo de Kievo kaj Urba elektrotrajno de Kievo.

Metroo

La urbo posedas tri metroajn liniojn, karakterizitajn de la koloroj ruĝa, verda kaj blua. Kvara linio estas konstruata kaj kvina estas jam planita. La metrosistemo entute longas 54,8 kilometrojn, kaj ĝiaj stacioj estas rimarkinde profundaj. Vidu detalan artikolon pri metroo en Kievo.

Trajna transporto

Ĉefa stacidomo Kijiv-Pasaĵirskij (Київ-Пасажирський) estas la plej grava stacidomo en Kievo. De ĝi veturas trajnoj interalie al Moskvo kaj Krimeo. Ne mankas ankaŭ konekto al Berlino kaj Varsovio (unu direkta konekto) aŭ al Bratislavo. Vidu ankaŭ artikolon pri Urba elektrotrajno de Kievo.

Stacidomoj

Flughaveno

La Internacia Flughaveno Borispilo (ukraine Міжнародний аеропорт "Бориспіль") estas la plej granda internacia flughaveno en Ukrainio.

La Internacia flughaveno Kijiv-Ĵuljani (ukraine Міжнародний аеропорт «Київ» імені Ігоря Сікорського) estas la dua plej granda internacia flughaveno en Ukrainio.

Sporto

La ĉefaj futbalaj teamoj estas Dinamo Kiev, kiu ludas en la stadiono Dinamo Lobanovskij, kaj Arsenal Kiev, origine konata kiel CSKA Kiev, kiu ludas en la stadiono Olimpijskij. Tiu ĉi lasta stadiono gastigis la finan matĉon kadre de la Eŭropa Futbal-Ĉampionado 2012, kiun kunorganizis Ukrainio kaj Pollando: la hispana teamo venkis tiun matĉon kontraŭ la itala.

Alia tre populara sporto en Kievo estas skermo.

Famuloj

Partneraj rilatoj

La urbo havas amikajn rilatojn interalie kun

Krome la urboparto Peĥersk aparte havas partnerajn rilatojn kun

Panorama vido je historia urboparto Podil je aŭgusto 2012
Panorama vido je historia urboparto Podil je aŭgusto 2012

Esperanto

En Kievo estas pluraj Esperantaj kluboj: Ek!, Ora Pordego, kaj la Klubo de Volodimir Soroka "Septima".

En Kievo loĝis, interalie, la esperantistoj Mikaelo Gabrielo kaj Vasilij Devjatnin.

Ekde la 14-a ĝis la 21-a de julio 2011 okazis en Kievo la 67-a IJK.

Aliaj nomoj en Esperanto

Kelkaj esperantistoj proponas la formon Kijivo[6] pro la elparolo en la ukraina, Київ [ˈkɪjiu̯]. En 2018, la ukrainia ministerio pri eksteraj aferoj lanĉis kampanjon por peti alinomi la urbon en la angla en Eŭropa Unio de Kiev al Kyiv. La kampanjo nomiĝas #CorrectUA kaj celas korekti la uzon de la oficiala ukrainia latinigosistemo por loknomoj,[7][8] laŭleĝe oficiala de Oktobro de 1995, post la sendependiĝo de Sovetio en 1991.[9]

Bildaro

Esperanto en Kijivo/Kievo

Referencoj

  1. ↑ PIV: Kievo.
  2. 1 2 Kiev/o, Kijiv/o // Reta Vortaro
  3. ↑ Erich-Dieter Krause. Großes Wörterbuch Esperanto-Deutsch, p. 355.
  4. ↑ Volodimir Pacjurko. Granda Esperanta-ukraina vortaro. Ĉirkaŭ 100 000 vortoj kaj vortkombinoj Arkivigite je 2022-07-14 per la retarkivo Wayback Machine — Lvivo, 2015
  5. ↑ City Mayors: The 500 largest European cities (1 to 100).
  6. ↑ Володимир Пацюрко: Великий есперантсько-український словник (ligilo ne plu valida)
  7. ↑ The Economist starts using Kyiv instead of Kiev (2019-11-30).
  8. ↑ CorrectUA. Arkivita el la originalo je 2019-11-24. Alirita 2019-11-22.
  9. ↑ Resolution of the ukrainian commission for legal terminology No. 5. Ukrainian Commission for Legal Terminology. Alirita 2011-03-15.

Vidu ankaŭ

Urboj-Herooj de eksa Sovetunio

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.