Pri la komunumo

Kesswil estas komunumo en la distrikto Arbon de Kantono Turgovio, Svislando. Ĝi havis 951 loĝantojn je la 31-a de decembro 2007.

Geografio

Kesswil situas ĉe la sudokcidenta bordo de Bodenlago meze inter Romanshorn kaj Kreuzlingen. La kerno de la kampara vilaĝo estas markita de siaj mirindaj kaj bone konservitaj faktrabdomoj. Sudokcidente de la vilaĝo leviĝas la monteto Seerücken.

Najbaraj komunumoj

Kesswil limas en okcidento al Güttingen, en sudokcidento al Sommeri, en sudo al Hefenhofen, en sudoriento al Dozwil, en oriento al Uttwil kaj en nordo al Bodenlago, je kies alia flanko situas la germanaj komunumoj Hagnau am Bodensee kaj Immenstaad am Bodensee (ambaŭ Baden-Virtembergo).

Trafiko

Kesswil disponas pri stacidomo ĉe la trajnlinio de Svisaj Federaciaj Fervojoj de Ŝafhaŭzo tra Kreuzlingen al Romanshorn kaj Rorschach.

Historio

La unua skriba mencio de Kesswil kiel Chezzinwillare datiĝas el donadokumento por bieno de Ludoviko la Pia al la Monaĥejo Sankt-Galo de la 4-a de junio 817 post Kristo.

En mezepoko la ĉefa bienposedanto en Kesswil estis la Monaĥejo Sankt-Galo. Ek de la 13-a jarcento ankaŭ la Monaĥejo Münsterlingen akiris posedaĵojn en Kesswil.

Gravaj personecoj

En Kesswil naskiĝis la 26-an de julio 1875 Carl Gustav Jung (1875–1961), psikiatro kaj fondinto de la analiza psikologio kiel filo de la loka pastro.

Bildoj

• 
  La malnova muelejo
• 
  Komunuma domo
• 
  Reformita preĝejo de Kesswil
• 
  La preĝejo de interne
• 
  Bandomo apud la lagobordo
• 
  Vilaĝa vendejo

Vidu ankaŭ

• Kesswil (stacidomo)

Eksteraj ligiloj

• Oficiala retejo de la komunumo Kesswil
• Kesswil en la Historia Leksikono de Svislando

Komunumoj de la distrikto Arbon Amriswil  • Arbon  • Dozwil  • Egnach  • Hefenhofen  • Horn  • Kesswil  • Roggwil  • Romanshorn  • Salmsach  • Sommeri  • Uttwil