| Sankta | |||||
| Kazimierz Gostyński | |||||
|---|---|---|---|---|---|
| Persona informo | |||||
| Naskiĝo | 8-an de aprilo 1884 en Varsovio | ||||
| Morto | 5-an de majo 1942 (58-jaraĝa) en Koncentrejo Dachau | ||||
| Religio | katolika eklezio vd | ||||
| Lingvoj | pola vd | ||||
| Ŝtataneco | Pollando vd | ||||
| Alma mater | Universitato de Varsovio • Universitato de Innsbruck vd | ||||
| Profesio | |||||
| Okupo | pastro • instruisto vd | ||||
| |||||
| |||||
| Sanktulo | |||||
| vd | Fonto: Vikidatumoj | ||||
Kazimierz Gostyński (naskiĝis la 8-an de aprilo 1884 en Varsovio, mortis la 6-an de majo 1942 en KL Dachau) – beatigito de la katolika eklezio, pola katolika kleriko, pedagogo, prizorganto de skoltoj, fondinto de la 3-a Ĝeneralkleriga Liceo je la nomo al Lublina Unio en Lublin kaj de la 2-a Ĝeneralkleriga Liceo je la nomo al Jan Zamoyski en Lublin, martiro pro la kredo.
Vivo
Juneco kaj studoj
En Varsovio finis mezlernejon en 1904. Lia patro Władysław batalis en la januara ribelo kontraŭ Rusia Imperio, estis fondinto de Varsovia Politekniko kaj konata industriisto. Post translokiĝo al Lublin, al la tiea animzorga seminario la 14-an de junio 1908 ordiniĝis kaj plu ekstudis en la Universitato en Innsbruck, en la fakultato de morala teologio.
Agado en Lublin
En 1912 estis nomumita rektoro de la preĝejo al Sankta Petro kaj plenumis funkcion de prefekto en Gimnazio je la nomo al Stanisław Staszic en Lublin (ĝis 1914). En 1915 kreis Viran Gimnazion je la nomo al Hetmano Jan Zamoyski kaj fondis Asocion de Instruistoj. Ankaŭ lekciis en Dioceza Animzorga Seminario.
En 1922 ricevis dignon de la papa ĉambelano de papo Pio la 11-a, kaj en 1925 estis nomumita kanoniko ĉe la Lublina Ĉefkatedralo.
De 1933, post nomumo fare de episkopo Fulman gvidis unue kiel vicdirektoro, kaj poste direktoro Eiskopan Gimnazion, kaj de 1935 iĝis rektoro de la preĝejo al Venka Dipatrino (konstruita de la pola reĝo post la batalo de Grunwald).
Lia socia kaj pedagogia agado alportis al la loka socio ekeston de la skolta taĉmento kaj de orkestro. Li apogis Societon de Amikoj de Lernanta Junularo kaj helpante al malriĉaj lernantoj fondis stipendion por abiturientoj. En 1918 gastis apostolan vizitanton Achilles Ratti, la posta papo Pio la 11-a. Danke al streboj de la pastro Gostyński la lernejo de Zamoyski akiris statuson de ŝtata gimnazio.
Okupado kaj mallibero
Post eksplodo de la dua mondmilito li gvidis patriotan agadon celebrante interalie la sanktan meson pro la Patrio okaze de la Festo de Sendependeco. La 11-an de januaro 1940 estis arestita kaj enprizonigita en severan malliberon en la Kastelo de Lublin.
Morto
Post unu kaj duono de jara restado en la malliberejo oni tranportis la pastron Kazimierz al koncentrejo Sachsenhausen, kaj poste al koncentrejo Dachau. Torturata kaj devigata al superhoma korpa streĉo, kiel nekapabla labori estis de germanoj murdita en gaskamero en t.n. transporto de invalidoj.
Beatigo
La 13-an de junio 1999 papo Johano Paŭlo la 2-a beatigis la pastron Gostyński kiel martiron pro la kredo en la grupo de 108 beatigitaj martiroj de la viktimoj de la dua mondmilito.
Vidu ankaŭ
- Muzeo de Martireco "Sub la Horloĝo"