Kathy Toy, kromnomo Lunjo, naskiĝis en Toronto (Ontario) en 1957. Ŝi eklernis Esperanton proks. 1998. Nun ŝi okupiĝas kiel jura stenotipisto. Ŝi aktivas en Esperanto-Toronto. Pro ŝia instigo la klubo komencis renkontiĝi ĉiusemajne anstataŭ nur unufoje monate.

Ŝia ĉefa ŝatokupo estas trikado kaj post longa priserĉo, ŝi malkovris kiel triki kvinpintan stelon, kaj de tiam trikas puloverojn kun desegnaĵo de Esperanta flago.