| Katharina Mann | ||
|---|---|---|
 | ||
| Persona informo | ||
| Katia Mann | ||
| Naskonomo | Katharina Hedwig Pringsheim | |
| Naskiĝo | 24-an de julio 1883 en Feldafing | |
| Morto | 25-an de aprilo 1980 (96-jaraĝa) en Kilchberg ZH | |
| Tombo | Kilchberg cemetery vd | |
| Religio | luteranismo vd | |
| Lingvoj | germana vd | |
| Loĝloko | Munkeno vd | |
| Ŝtataneco | Germanio vd | |
| Familio | ||
| Dinastio | Pringsheim vd | |
| Patro | Alfred Pringsheim vd | |
| Patrino | Hedwig Pringsheim vd | |
| Gefratoj | Klaus Pringsheim • Heinz Pringsheim • Peter Pringsheim • Erik Pringsheim vd | |
| Edz(in)o | Thomas Mann vd | |
| Infanoj | Erika Mann • Klaus Mann • Golo Mann • Monika Mann • Elisabeth Mann-Borgese • Michael Mann vd | |
| Profesio | ||
| Okupo | verkisto vd | |
| vd | Fonto: Vikidatumoj | |
Katharina Hedwig MANN, origine: PRINGSHEIM, karesnome: Katia (naskiĝis la 24-an de julio 1883 en Feldafing, Germanio; mortis la 25-an de aprilo 1980 en Kilchberg ZH, Svisio) estis la edzino de la germana verkisto Thomas Mann.
Katharina Pringsheim havis kvar pli aĝajn fratojn. Ŝia patro Alfred Pringsheim (1850-1941) estis matematikisto kaj ŝia patrino Hedwig Dohm (1855-1942) antaŭ sia edziniĝo estis teatra aktorino. Ŝia avino Hedwig Dohm (1831-1919) estis fama verkistino kaj feministino. La ĝemelfrato de Katharina Klaus Pringsheim (1883-1972) estis direktisto, komponisto, muzik-verkisto kaj instruisto.
Ŝi studis matematikon ĉe sia patro kaj fizikon ĉe Wilhelm Conrad Röntgen, sed ĉesigis tion en 1904, mallonge antaŭ sia edziniĝo al Thomas Mann. La geedziĝfesto okazis la 11-an de februaro 1905 en Munkeno.
La paro havis ses idojn: Erika, Klaus, Golo, Monika, Elisabeth kaj Michael. Post la naskiĝo de Monika, en 1910, Katharina Mann malsaniĝis. Ŝi pasigis plurajn monatojn en sanatorioj. Ŝia restado en Davos, en 1912, inspiris Thomas Mann al la romano Der Zauberberg. Antaŭe ŝi jam estis modelo por la karaktero de Imma SPOELMANN en la verko Königliche Hoheit (1909).
En la jaro 1933 la familio elmigris: unue al Francio, poste Svislando kaj, en 1939, al Usono. Katharina Mann agis kiel manaĝerino de sia edzo, krome ŝi okupiĝis pri la materia sekureco de la familio kaj la evoluigo de la talentoj de la gefiloj.
En 1952 la familio revenis al Svisio, kie Thomas Mann en 1955 mortis. En la jaro 1974 Katharina Mann publikigis siajn memorojn: Meine ungeschriebenen Memoiren.