Ne konfuzu ĉi tiun artikolon kun karbunklo.
Ruĝa grenato, la plejofta speco de karbunkolo

Karbunkolo estas ĝenerala termino por ruĝa gemo, ofte grenato.

Priskribo

La termino karbunkolo ne specifas la mineralan specion, sed ofte signifas grenaton. Plejofte, karbunkolo estas ruĝa; tamen, malofte oni parolas pri alikolora karbunkolo ­— ekzemple, unu el la noveloj de Sherlock Holmes fare de Arthur Conan Doyle titoliĝas La Adventuro de la Blua Karbunkolo (angle The Adventure of the Blue Carbuncle).

Karbunkolo en legendoj

Historie, la karbunkolo ofte signifis magian gemon, kapablan lumigi siajn ĉirkaŭaĵojn. Ekzemple, en la kimra versio de La Pilgrimado de Karolo la Granda al Jerusalemo kaj al Konstantinopolo (france Le Pèlerinage de Charlemagne à Jérusalem et à Constantinople), la gastiga litoĉambro de Karolo en la palaco de la Imperiestro Hugo en Konstantinopolo enhavas magian karbunkolon sur ora kolono, funkciantan kiel lampon.[1]

En la folkloro de ministoj en norda Ĉilio, la karbunkolo (hispane carbunclo) estas magia lumanta besteto, enhavanta oron aŭ gemon.[2]:130

Etimologio

La nomo karbunkolo devenas de la latina carbunculus, laŭlitere diminutivo de carbō “karbo”, pro la simileco al la ruĝa lumo de brulanta karbo; ĝi estas fakte sametimologia kiel la medicina termino karbunklo.

Referencoj

  1. ↑ The Journey of Charlemagne to Jerusalem, and His Adventure with Hu Gadarn (angle).
  2. ↑ Montecino Aguirre, Sonia. (2015) “Carbunclo”, Mitos de Chile: Enciclopedia de seres, apariciones y encantos (hispane). ISBN 978-956-324-375-8.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.