 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 Virkapro | ||||||||||||||
| Biologia klasado | ||||||||||||||
| ||||||||||||||
 | ||||||||||||||
Specioj | ||||||||||||||
Aliaj Vikimediaj projektoj | ||||||||||||||
Kapro estas genro de herbomanĝantaj mamuloj kaj remaĉuloj, el familio bovedoj kaj subfamilio kaprenoj. Kaproj estas bredataj ekde antaŭ longe, ĉefe pro sia viando, sia felo kaj sia lakto. La plej ofte bredata kapro estas la hejma kapro (Capra aegagrus hircus).
Kapro estas malgranda besto, kun sabroformaj aŭ ŝraŭbe turnitaj kornoj, lertega, ĉefe pri saltado. Ĝi troviĝas en ĉiuj regionoj de la mondo, ĉefe en monto.
Kaproj povas troviĝi en sovaĝeco, sed plej ofte, ili estas bredataj. Ilia bredado estas malnova (almenaŭ ekde la 8-a jarcento a.K..) Malgrandegaj kaproj estas ankaŭ bredataj kiel dombestoj.
Iuj rasoj estas bredataj ĉefe pro siaj haroj : ekzemple, la angura kapro, devena de Turkio, kies la hararo faras lanon. Ankaŭ tiel estas pri la kapro de la Kaŝmiro.
La ĉefaj landoj je grandeco de sia kapraro estas la sekvantaj (je nombro de besto) :
| Mondparto | Kapraro |
|---|---|
| Mondo (tuto) | 764 500 000 |
| Ĉinio | 173 000 000 |
| Barato | 124 500 000 |
| Pakistano | 52 800 000 |
| Sudano | 40 000 000 |
| Bangladeŝo | 34 500 000 |
| Niĝerio | 27 000 000 |
| Irano | 26 000 000 |
| Indonezio | 12 450 000 |
| Tanzanio | 11 700 000 |
| Kenjo | 11 000 000 |
Specioj kaj subspecioj
 | Capra aegagrus | natura kapro |
 | Capra aegagrus hircus | hejma kapro |
 | Capra aegagrus creticus | kri-kri (Kreta kapro, Kreta ibekso) |
 | Capra caucasia | Okcidenta kaŭkazia kapro |
 | Capra cylindricornis | Orienta kaŭkazia kapro |
| Capra hircus Laniger | Kaŝmirkapro | |
 | Capra falconeri | markoro |
| Capra falconeri heptneri | Bukara markoro | |
| Capra falconeri chialtanensis | Ĉialta markoro | |
| Capra falconeri megaceros | anglalingve: straight-horned markhor | |
| Capra falconeri jerdoni | anglalingve: Suleman markhor | |
 | Capra ibex | Ibekso |
| Capra ibex ibex | ||
 | Capra ibex nubiana | Siria ibekso, ankaŭ Capra nubiana |
| Capra ibex sibirica | Siberia ibekso, ankaŭ Capra sibirica | |
| Capra pyrenaica | Hispana ibekso | |
| Capra pyrenaica victoriae | Gredos ibekso | |
| Capra pyrenaica hispanica | Beceite ibekso | |
| Capra pyrenaica pyrenaica | Pirenea ibekso† | |
| Capra pyrenaica lusitanica | Portugala ibekso† | |
| Capra walie | etiopia kapro |
Vidu ankaŭ
Figura senco
Propeka kapro estas sola ulo kontraŭ kiu grupo plendas por fari el li/ŝi la nuran kialon de problemoj kaj rifuzi vidi la verajn kaŭzojn de ċi tiuj.
Proverboj
Ekzistas pluraj proverboj pri kapro en la Proverbaro Esperanta de L. L. Zamenhof, inter ili[1]:
„ Melki kaproviron. ” „ Obstina kiel kapro. ” „ Sur arbon kliniĝintan saltas la kaproj. ”
Referencoj
- ↑ Lernu. Arkivita el la originalo je 2011-12-25. Alirita 2009-03-27.