 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Haematopus meadewaldoi Bannerman, 1913 | ||||||||||||||
| Konserva statuso | ||||||||||||||
Sinonimoj | ||||||||||||||
| ||||||||||||||
Aliaj Vikimediaj projektoj | ||||||||||||||
La Kanaria nigra hematopo aŭ Kanaria hematopo, Haematopus meadewaldoi, estis endemismo en orientaj insuloj Fuerteventura, Lanzarote kaj ĉirkaŭaj insuletoj en insularo Kanarioj, Hispanio.
Tiu birdo estis lastfoje kolektita kaj observita en 1913 kaj surloke konsiderata kiel ekstingita ĉirkaŭ la 1940-aj jaroj. Nuntempe estas konsiderata kiel formortinta, ĉar zorga priserĉado ĉirkaŭ la 80aj jaroj ne trovis ian ajn restojn de la specio spite kvar malsimilaj informoj (du el Tenerife kaj du el Senegalio) inter 1968 kaj 1981. Trokolektado de intertajdaj senvertebruloj kaj homa ĝenado estis probablaj kialoj de malpliigo, posta predado farita de ratoj kaj katoj kaj troĉasado de sciencistoj kaj kolektistoj finigis la loĝantaron.
Kanaria nigra hematopo estis granda kaj bruema birdo de ordo de Ĥaradrioformaj, kun tute nigra plumaro, ruĝaj -iom rozkoloraj- kruroj kaj fortika ruĝa beko uzata por premi aŭ malfermi moluskojn kiel lapojn. Ambaŭ seksoj estis similaj laŭ aspekto.
La scienca nomo rememorigas Edmund Meade-Waldo.
Taksonomio
P.A.R. Hockey (1982) pruvis, ke la Kanaria nigra hematopo aŭ Kanaria hematopo, Haematopus meadewaldoi estis diferenca disde la Afrika nigra hematopo Haematopus moquini, en kiu specio multaj antaŭaj sciencistoj konsideris tiun kiel subspecion.
Referencoj
- BirdLife International 2004. Haematopus meadewaldoi. In: IUCN 2004. 2004 IUCN Red List of Threatened Species. <www.iucnredlist.org>. Downloaded on 12 January 2006.
- Collar, N.J. and Stuart, S.N. 1985. Threatened birds of Africa and related islands: the ICBP/IUCN Red Data Book. International Council for Bird Preservation, and International Union for Conservation of Nature and Natural Resources, Cambridge, UK.
- Hockey, P.A.R. 1982. Adaptiveness of nest site. selection and egg coloration in the African Black. Oystercatcher Haematopus moquini. Behav. Ecol. Sociobiol. 11:117-123.
- Hockey, P.A.R. 1987. The influence of coastal utilization by man on the presumed extinction of the Canarian black oystercatcher Haematopus meadewaldoi. Biological Conservation 39, 49-62.