| Kanada Parlamento | |||||
|---|---|---|---|---|---|
 | |||||
| duĉambra parlamento | |||||
| Komenco | 1867 vd | ||||
| Geografia situo | 45° 25′ 31″ N, 75° 42′ 0″ U (mapo)45.425161540438-75.699928140411Koordinatoj: 45° 25′ 31″ N, 75° 42′ 0″ U (mapo) | ||||
| Lando(j) | Kanado vd | ||||
| Sidejo | Centre Block | ||||
| |||||
| |||||
| Retejo | Oficiala retejo | ||||
La Parlamento de Kanado (angle Parliament of Canada, france Parlement du Canada) havas sian sidejon sur la parlamenta monteto (Parliament Hill) en Otavo, Ontario, sur klifo 50 metrojn alta super la rivero Otavo kaj la kanalo Rideau. La parlamento formale konsistas el tri partoj:
- la ŝtatestro, do nuntempe reĝino Elizabeto la 2-a, kiun en Kanado reprezentas la guberniestro ĝenerala de Kanado
- la Senato de Kanado kaj
- la Ĉambro de Deputitoj de Kanado.
La parlamentejo konsistas el tri konstruaĵoj de gotika stilo. La Centra Bloko enhavas la Senaton de Kanado (kun 105 membroj) kaj la Ĉambron de Deputitoj de Kanado (kun 308 membroj). Supre staras la Turo de Paco, 92 metrojn alta, konstruita en 1927 por memori la finon de la Unua mondmilito. La turo havas kariljonon kun 53 kloŝojn.
La Orienta Bloko havas specialajn ĉambrojn, meblitajn kiel en la tempo de Sir John A. Macdonald. La Okcidenta Bloko havas komitatajn ĉambrojn kaj oficejojn. La Monteto de Parlamento ankaŭ havas superban okangulan bibliotekon.
 La kunsidejo de la Senato de Kanado |
 La kunsidejo de la Ĉambro de Deputitoj de Kanado |