 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
  Kaba kormorano, Kaburbo, Sudafriko | ||||||||||||||
| Biologia klasado | ||||||||||||||
| ||||||||||||||
| Phalacrocorax capensis (Sparrman, 1788) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj | ||||||||||||||
La Kaba kormorano aŭ Kaba tufkormorano (Phalacrocorax capensis) estas birdospecio endemia de la sudokcidentaj marbordoj de Afriko.
Kabaj kormoranoj reproduktiĝas el Namibio suden al suda Kabprovinco. For de la reprodukta sezono, ili povas troviĝi tiom for norde kiom ĝis la elfluejo de la Kongo, kaj ankaŭ etendiĝas ĝis la orienta marbordo de Sudafriko tiom for kiom Mozambiko. En la 1970-aj jaroj, la reprodukta populacio estis taksata je ĉirkaŭ 1 miliono nur en Namibio. Tamen, la IUCN nune klasas ĝin kiel "Preskaŭ Minacatan" baze sur: pliiĝanta poluado el oleoverŝado, ĝenado ĉe la predejoj, kaj pliiĝo de patogenoj aŭ parazitoj.[1]
La Kaba kormorano estas preskaŭ tute brilnigra birdo, kvankam en la reprodukta sezono ĝi havas purpurecan nuancon kaj kelkajn blankajn plumojn en la kapo, kolo kaj kloako. Ĝia gorĝosako estas tre oranĝecflava; malkutime ĉe kormoranoj, ties bridoj estas plumaj. La birdaj flugiloj estas ĉirkaŭ 240–280 mm etende, kaj ĝi pezas 800–1600 gramojn, kun malmulta seksa dimorfismo.
Kabaj kormoranoj komune manĝas en aroj, prenante la fiŝarojn el mezprofunda akvo, ekzemple sardinojn, anĉovojn, kaj sablofiŝojn. Ilia predo estas tipe multe pli malgranda ol tiuj de la simpatria Banka kormorano. Iliaj ĉefaj predantoj estas la Nigradorsa ŝakalo, kiu kaptas foje eĉ la plenkreskulon dum ripozo, kaj nestolokaj predantoj kiaj la Granda kormorano, la orienta Blanka pelikano, kaj la Dominika mevo.
Kiel ĉe grandnombraj aliaj rilataj kormoranaj specioj, ankaŭ la Kaba kormorano estas situigita fare de kelkaj fakuloj (ekz. Johnsgaard) en la genron Leucocarbo.
Referencoj
- ↑ IUCN2012
- Johnsgaard, P. A. (1993). Cormorants, darters, and pelicans of the world. Washington DC: Smithsonian Institution Press. ISBN 1-56098-216-0
Eksteraj ligiloj
- Kaba kormorano Arkivigite je 2012-12-24 per Archive.today from the Animal Demography Unit ĉe Universitato Kaburbo
- Cape Cormorant (Kaba kormorano) – Speciteksto en The Atlas of Southern African Birds.
| ||||||||||||||||||