Jen listo de okazaĵoj en julio 2017:

1-a de julio

• Ĝis unu miliono da personoj partoprenis en la Tago de la Fiero por seksa libereco en Madrido, Hispanio.

2-a de julio

• Memmortiga atenco en Damasko, Sirio, okazigis 20 mortojn.

4-a de julio

• Pli ol 50 mortintoj kaj unu miliono da translokigitoj pro fortaj pluvoj kaj inundoj dum unu semajno en regionoj de Ĉinio kiaj Hubejo, Hunano, Junano, Siĉuano kaj Gŭangŝjio.

7-a de julio

• Tumultoj en Hamburgo, Germanio, kontraŭ la tutmondaj ŝtatestroj pintokunvene por la G20.
• La opozicianto Aleksei Navalni, estis liberigita en Rusio, post 25 tagoj prizone.

8-a de julio

• La opozicianto Leopoldo López, estis liberigita en Venezuelo kaj restos en hejma aresto post tri jaroj en prizono.
• Dekses mortintoj pro inundoj en Japanio.

9-a de julio

• La registaro anoncas la finon de la batalo (8 monatoj) kaj totalan konkeron de la urbo Mosul, Irako, iama ĉefurbo de la Islama Ŝtato.
• Miloj da manifestaciantoj en Istambulo, Turkio, kontraŭ la aŭtoritarismo de Recep Tayyip Erdoğan.

13-a de julio

• Mortis la Nobel-premiito pri paco ĉino Liu Xiaobo kiu estis ankoraŭ enkarcere pro defendo de demokratiaj rajtoj.

16-a de julio

• Mortis 22 personoj pro incendio en loĝejo de Ĝuŝan en la provinco Ĝjangsuo, oriente de Ĉinio.

22-a de julio

• En Seulo komenciĝis la 102-a Universala Kongreso de Esperanto.

24-a de julio

• Pro memmortiga bombado okazinta en merkato de Kot Lakhpat kontraŭ policanoj en Lahore, Pakistano, 26 personoj mortiĝis kaj 58 aliaj estis vunditaj.

28-a de julio

• 54 homoj estis vunditaj el kiuj 5 serioze en fervoja akcidento en Barcelono.

29-a de julio

• En Seulo tuj post la Universala Kongreso komenciĝis la 90-a SAT-Kongreso.

31-a de julio

• Pli ol 250 homoj mortiĝis pro inundoj en la subŝtatoj Guĝarato kaj Raĝastano, Barato, el la 1a de Junio kaj dum la tuta monato Julio.