Jodido aŭ jodaj kombinaĵoj sub la formala oksida stato -1 troveblas kiel komponantoj el jodaj saloj kaj estas unu el la plej grandaj monoatomaj anjonoj. Oni atribuas al la jodanjono radio ĉirkaŭ 260 pikometroj. Kompare, la pli malpezaj halogenidoj estas konsiderinde pli malgrandaj: bromido (196 pm), klorido (181 pm), kaj fluorido (133 pm). La kialo kuŝas en ĝia grandeco, jodido formas relative malfortajn ligojn kun la plej multaj elementoj.

Plejmulto el la jodidaj saloj estas solveblaj en akvo, sed ofte malpli ol la rilataj kloridoj kaj bromidoj. Jodidoj, estante grandaj, estas malpli hidrofilaj kompare kun la pli malgrandaj anjonoj. Unu konsekvenco de tio estas ke natria jodido estas tre solvebla en acetono, dum natria klorido ne estas. La malalta solvebleco de arĝenta (I) jodido kaj plumba (II) jodido reflektas la kovalentan karakteron de tiuj metaljodidoj.

Testo por la ĉeesto de jodidaj jonoj estas la formado de flavaj precipitaĵoj de tiuj kunmetaĵoj sur traktado de solvaĵo de arĝenta nitrato aŭ plumba (II) nitrato. Plej multaj jodidoj estas senkoloraj. Jodidoj havas multajn praktikajn rolojn, estante trovataj en kontraŭkonvulsiaĵoj, flamrezistaj materialoj, kaj ĉelmakuloj. Kvankam nekutima, kronika tokseco de jodido povas rezultigi jodismon, sindromon kun multoblaj neŭrologiaj simptomoj. jodido-tokseco ankaŭ povas kaŭzi specon de haŭta erupcio. Vidu kalia jodido. La jodida jono havas jonan radiuson de 196 pm.

Vidu ankaŭ