| Jimmy Stryhn Meyer | |
|---|---|
| Persona informo | |
| Naskiĝo | la 4-an de novembro 1969 en  Køge, Danio |
| Lingvoj | Esperanto |
| Nacieco | dano |
| Ŝtataneco | Reĝlando Danio |
| Alma mater | Universitato de Kopenhago |
| Okupo | |
| Okupo | esperantisto • juristo |
| Esperanto | |
| Aliaj aktivaĵoj | EJDO TEJO |
Jimmy Stryhn MEYER (naskiĝis la 4-an de septembro 1969 en Køge, Danio, do nun 54-jara) estas dana juristo kaj esperantisto. Interalie li de 1995 ĝis 1999 estis vicprezidanto kaj estrarano de TEJO, gvidinte la Komisionon pri Eksteraj Rilatoj (KER).
Li eklernis esperanton en 1983 kaj en 1990 elektiĝis en la estraron de Esperantista Junulara Dana Organizo (EJDO), kie li plurajn jarojn plenumis la kasistan postenon. En 1993 kaj 1996 li kunorganizis Kulturan Esperanto-Festivalon (KEF) en Kopenhago. En 1994 li internacie ekaktivis por la Komisiono pri Eksteraj Rilatoj de TEJO, reprezentante TEJO-n en la preparkunsidoj por la Junulara Konsultiĝo pri Socia Evoluo kaj en la aranĝo mem, kiu okazis ĵus antaŭ al Monda Pintkunveno de Unuiĝintaj Nacioj por Socia Evoluo en Kopenhago.
En la IJK 1995 li do elektiĝis TEJO-estrarano pri eksteraj rilatoj kaj do respondeciĝis pri kunordigo de la "ambasadoroj" de la junulara esperanto-movado en neesperantistaj kunvenoj. Samjare li finis sian studadon pri juro en la universitato de Kopenhago kaj eklaboris en Luksemburgo. Ekde 1998 li laboras kiel oficisto (juristo-revizoro) ĉe la Justica Kortumo de Eŭropa Unio.
Fonto
- "La teamo de TEJO sin prezentas, eldono 1995/1997" (red. James Rezende Piton)