Eble vi serĉas: urbon Nový Jičín en Moraviasilezia regiono.

Jičín
germane Jitschin
urbo
Placo de Valdštejn en Jičín
Flago Blazono
Oficiala nomo: Jičín
Ŝtato	Ĉeĥio
Regiono	Regiono Hradec Králové
Distrikto	Distrikto Jičín
Administra municipo	Jičín
Historia regiono	Bohemio
Montaro	Jiĉina montetaro
Memorindaĵoj	Valdica pordego
Rivero	Cidlina
Situo	Jičín
- alteco	287 m s. m.
- koordinatoj	50° 26′ 13″ N 15° 21′ 06″ O / 50.43694 °N, 15.35167 °O / 50.43694; 15.35167 (mapo)
Areo	24,93 km² (2 493 ha)
Loĝantaro	16 210 (2023)
Denseco	650,22 loĝ./km²
Pejzaĝa regiono	Bohemia Paradizo
Aleo	Aleo de Valdštejn
Unua skribmencio	1293
Horzono	MET (UTC+1)
- somera tempo	MET (UTC+2)
Poŝtkodo	506 01
NUTS 3	CZ052
NUTS 4	CZ0522
NUTS 5	CZ0522 572659
Katastraj teritorioj	4
Partoj de urbo	12
Bazaj setlejunuoj	28
Konatulo	Rumcajs
Situo enkadre de Ĉeĥio Situo enkadre de Ĉeĥio
Vikimedia Komunejo: Jičín
Retpaĝo: www.jicin.cz
Portalo pri Ĉeĥio

La placo vidita de la pinto de pordego Valdická

Jičín estas urbo kun 16 210 loĝantoj (2023) en orienta Bohemio en Ĉeĥio. Ĝi estas turisma centro kaj elirloko ĝis la naturparko Český ráj (Bohemia Paradizo). La urbo industrie produktas agrikulturajn maŝinojn, nutraĵojn, teksaĵojn kaj meblojn. La urbon konatigis la fabela figureto Rumcajs, kiun kreis verkisto Václav Čtvrtek kaj pentristo Radek Pilař.

La najbaraj municipoj de la setlejo estas Podhradí, Brada-Rybníček, Staré Místo, Dílce, Valdice, Vitiněves, Radim (distrikto Jičín), Tuř, Úlibice, Kacákova Lhota, Kbelnice, Holín kaj Železnice.

Historio

Kiel pruvas arkeologiaj trovaĵoj, la ĉi tiea regiono estis loĝigita jam en praepoko. Slavoj loĝis en ĝi jam ekde la 6-a jarcento. La komenco de la hodiaŭa Jičín tuŝas la 13-an jarcenton. Ĉirkaŭ la jaro 1300 la devena vilaĝo estis avancigita je urbo. La ligna, remparita urbo apartenis plej baldaŭ al Vartemberkidoj kaj ekde la jaro 1487 al Trčkidoj el Lípa, dum kies administrado okazis en la urbo granda evoluo. Vilém Trčka komencis en la urbo masonitan konstruadon kaj ties novajn remparojn. En la jaro 1607 Jičín fariĝis posedaĵo de Zikmund Smiřický. Post la batalo sur Blanka Monto ĝi fariĝis posedaĵo de imperiestra soldatestro Albrecht Eusebius de Wallenstein [Valenŝtajn] (ĉeĥe Valdštejn), kiu farigis el ĝi la ĉefurbon de sia regno. Albrecht decidiĝis helpe de famaj arkitektoj alikreigi la urbon en stilon de norditala renesanco. En la jaro 1710 la urbo denove ŝanĝis posedantojn kaj nova posedanto fariĝis la familio von Trauttmansdorf. En la jaro 1784 estis ĉi tien translokigita regiona oficejo kaj la urbo fariĝis sidejo de multaj oficejoj kaj lernejoj. En la urbo estiĝis industrio celita por produktado de maŝinoj bezonataj por agrikulturo, mebloindustrio, grandaj pomologiaj arbidejoj, sed ekz. ankaŭ produktado de pianoj.

Simbolo de la urbo estas la Valdica pordego, ĝi estis konstruita en la jaroj 1568–1578. La turo estas 52 m alta kaj kondukas tien 156 ŝtupoj, de supre ĝueblas bela panoramo.

Tilia aleo el la tempo de Valdštejn kunigas Jičín kun Libosad. Ĝi estas 1 700 m longa, kvarvica kun 1 200 tilioj.

Festivalo Jičín – urbo de fabelo estas aranĝata regule en la unua oktobra semajno.

Loĝantaro

Membrigo de urbo

Urbon Jičín nuntempe kreas 12 lokaj partoj sur kvin katastraj teritorioj:

• k. t. Jičín – partoj Holínské Předměstí, Nové Město, Pražské Předměstí, Sedličky, Soudná, Staré Město kaj Valdické Předměstí (la ĉefa parto)
• k. t. Hubálov – parto Hubálov
• k. t. Moravčice – partoj Moravčice kaj Valdické Předměstí (parto, BSU Moravčice díl 2, průmyslová zóna)
• k. t. Popovice u Jičína – parto Popovice
• k. t. Robousy – partoj Dvorce kaj Robousy

Enla jaroj 1980–1990 konsisto de la urbo estis ankaŭ hodiaŭ memstara municipo Úlibice.

Naskiĝintoj

• Ernst Polak, literaturkritikisto

Partneraj urboj

• Erbach (Odenwald), Germanio (Hesio)
• Königsee, Germanio (Turingio)
• Martin, Slovakio
• King's Lynn, Britio
• Wijk bij Duurstede, Nederlando

Rilataj artikoloj

• Rumcajs