Jen listo de okazaĵoj en januaro 2019:

La unua kolora foto pri 2014 MU₆₉

1-a de januaro

• La Usona kosmosondilo New Horizons sukcese preterflugis la transneptunan objekton (486958) 2014 MU69, kromnomata Ultima Thule (en la bildo). Temas pri la plej fora objekto esplorita de homoj.

2-a de januaro

• Ses homoj estis mortigitaj en akcidento de trajno sur la Granda-Belto-ponto.

3-a de januaro

• La kosmosondilo Chang'e 4 de la Ĉina Nacia Kosma Agentejo sukcese surteriĝis sur la kratero Von Kármán en la suda duono de kaŝita flanko de la Luno.

5-a de januaro

• La Patriarko de Konstantinopolo Bartolomeo la 1-a subskribis tomoson pri aŭtokefalio de la Ukraina Ortodoksa Eklezio. Pli detale ĉe Vikinovaĵoj.

6-a de januaro

• Malajzia reĝo Muhammad la 5-a abdikis el sia posteno.

10-a de januaro

• La balota komisiono proklamas la gvidanton de parto de la opozicio Félix Tshisekedi, venkinto de la prezindanta baloto en Demokratia Respubliko Kongo, tion kion kontestas alia opozicia gvidanto, Martin Fayulu.

15-a de januaro

• La Parlamento de la Unuiĝinta Reĝlando malagnoskas la eliran akordon de Unuiĝinta Reĝlando kaj Eŭropa Unio.

17-a de januaro

• Neatribuiĝinta atenco ĉe polica lernejo en Bogoto kaŭzis dudek mortintojn kaj sesdek ok vunditojn. La registaro atribuis ĝin al la guevarisma armita grupo Armeo de Nacia Liberiĝo.

21-a de januaro

• La Eŭropa Kosma Agentejo anoncas esplori kun Arianespace la fareblecon de plene eŭropa luna misio kun surgrundiĝilo kaj kosmaŭto, por ekspluati la lunajn rokojn antaŭ establi homan bazejon.
• Okazis plena eklipso de Luno, la lasta tia ĝis majo 2021.

23-a de januaro

• Politika krizo en Venezuelo kie, post kontestata voĉdona reelekto de la respublika prezidento Nicolás Maduro, la prezidento de la Venezuela Nacia Asembleo Juan Guaidó proklamiĝis portempa respublika prezidento.

25-a de januaro

• La brazila deputito Jean Wyllys anoncas foriri ekzile dum la daŭro de la mandato de Jair Bolsonaro post ricevinti multajn mortminacojn pro sia samseksemo.

31-a de januaro

• Eŭropa Parlamento rekonis Juan Guaidó kiel portempa prezidento de Venezuelo.