Iván T. BEREND, laŭ hungarlingve kutima nomordo Berend T. Iván aŭ Berend Tibor Iván estas hungara historiisto, ekonomikisto, profesoro, membro ordinara de Hungara Scienca Akademio. Krome li havas membrecojn en la brita kaj aŭstra akademioj.

Iván T. Berend naskiĝis la 11-an de decembro 1930 en Budapeŝto.

Biografio

Iván T. Berend estis en 1944 en Koncentrejo Dachau. Li frekventis universitaton en Budapeŝto inter 1949-1953. En 1957 li iĝis doktoro pri ekonomio, dume li instruis en la universitato. En 1968 li partoprenis en la nova ekonomia reformo de Hungario, kiu fiaskis pro Sovetunio. Li estis rektoro inter 1973-1979. Fine de la 1980-aj jaroj li partoprenis en malkonstruo de la socialisma ekonomio. En 1990 li profesoriĝis en Los Anĝeleso. Li okupiĝas ĉefe pri ekonomiaj historioj de Hungario kaj Mez-Eŭropo. Li ricevis premion Kossuth en 1961, poste ankaŭ aliajn premiojn.

Verkaro (elekto)

• A magyar gazdaság száz éve 1848–1944 (Cent jaroj (1848–1944) de la hungara ekonomio) (1973)
• Európa gazdasága 1780–1914 (Ekonomio de Eŭropo 1780–1914) (1987)
• Transition to a Market Economy at The End of the 20th Century (1994)
• A történelem – ahogy megéltem (La historio - kiel mi travivis) (1997)

Fontoj

• Hungarlingva Vikipedio
• biografieto hungare
• biografio angle