| Itio | |
|---|---|
 | |
| rolulo de helena mitologio | |
| Informoj | |
| Sekso | vira |
| Patro | Tereo |
| Patrino | Prokno |
Itio (helene Ίτυς, latine Itys) estis en la helena mitologio filo de la trakia reĝo Tereo kaj Prokno, filino de atena reĝo.
Tereo estis ligano de la reĝo Pandiono, helpis al li sukcese defendi Atenon. Poste li fariĝis edzo de la reĝa filino Prokno kaj ŝi donis al li ununuran filon Ition.
Foje Tereo faris kriman agon sur sia bofratino Filomela, kiun li delogis kaj sekse perfortis. Patrino de la malgranda Itio Prokno venĝis Tereon per murdo de la knabo, el kies kadavro ŝi preparis festenon por la edzo. Kiam Tereo ekkonis kion li ĵus manĝis, volis per glavo mortigi Proknon kaj Filomelon.
Dioj evitigis tion kaj ĉiujn tri transformis en birdojn. Sed al Itio nenio redonis lian vivon. Lia avo, la reĝo Pandiono pro funebro mortis.
Fonto
En tiu ĉi artikolo estas uzita traduko de teksto el la artikolo Itys en la ĉeĥa Vikipedio.