Boaz Mauda en Beogrado (2008)

נטע ברזילי בליסבון (2018)

קובי מרימי בתל אביב (2019)

Israelo partoprenis en la Eŭrovido-Kantokonkurso ĝis 2020 42 fojojn, ekde sia unua aliĝo en 1973, kiam la kantisto Ilanit estis sendita kiel sia reprezentanto en la konkurso per la kanto "Ie" kun la helpo de Uri Aloni. Kvankam la lando ne situas en Eŭropo, Israelo rajtas partopreni en la Eŭrovido-Kantokonkurso kiel membro de la Eŭropa Radio kaj Televido Unio.

Kiam la kanto kiu reprezentis Israelon ĉe la Eŭrovido-Kantokonkurso 2020 - Feker Libi - estis elektita, Israelo fariĝis la unua lando, kiu sendis kanton enhavantan vortojn en kvar lingvoj, la hebrea, araba, angla kaj la amhara. Tiu estis la unuafojo ke kanto kun vortoj de la amhara partoprenas en la konkurso.

Israelo gajnis ĉi tiun konkurson 4 fojojn en 1978, 1979, 1998 kaj 2018 kaj estas en la sepa loko, en la tabelo de venkoj de la konkurso de ĉiuj tempoj. Israelo estas unu el la solaj landoj, kune kun Hispanio, Luksemburgio kaj Irlando, kiuj gajnis la konkurson pli ol unu fojon sinsekve. Ekde aliĝo, Israelo forestis de la konkurso kvin fojojn: en 1980, 1984, 1994, 1996 kaj 1997.

Israelo gajnis en Eŭrovido kvar fojojn. Izhar Cohen(יזהר כהן) kaj Alphabeta gajnis en 1978, en Parizo, per la kanto "A-Ba-Ni-Bi", kiu originas el israela infanludo, kiu konsistas el kodigita lingvaĵo al kiu oni aldonas la sonon /b/ kaj la vokalo de la silabo. Sekvajare la lando denove venkis, en Jerusalemo, per la kanto "Hallelujah" interpretita de la kantistino Gali Atari kun la muzikbando nomata Lakto kaj Mielo (angla Milk and Honey), sed ili ne povis defendi la titolon denove en 1980 pro nekonataj kialoj. La tria venko, sufiĉe polemika, estis en Birmingham en 1998 kiam Dana International, transgenrulo, reprezentis la landon per la kanto Diva, provokante la koleron de multaj ortodoksaj judoj en sia naskiĝlando. La kvara venko je 2018 en la 63-a Eŭrovido-Kantokonkurso okazis en Lisbono, la ĉefurbo de Portugalio. Venkis ĝin israela kantisto Netta Barzilai (529 punktoj) kaj tial la 64-a Eŭrovido-Kantokonkurso okazis en Israelo en 2019.

La interpretado de Shiri Maymon en 2005 en Kievo denove estis sukceso por Israelo kiu estis en unu el la 5 unuaj lokoj kaj certigis ĝian partoprenon por la sekvajara eldono en Ateno. En 2006 Israelo estis reprezentita de Eddie Butler per la kanto "Together We Are One", kiu restis en la antaŭlasta pozicio, nur kun kvar poentoj. La komitato por Eŭrovido de IBA elektis al la muzikbando Teapacks por reprezenti la landon en la duonfinalo de Eŭrovido-Kantokonkurso 2007, per la kanto "Push the bottom", sufiĉe polemika ĉar ĝi estis rilatiĝinta de multaj kiel kritiko al Irano. Malgraŭ la kontraŭdiroj, la kanto estis preteratentata en la voĉdonado kaj la muzikgrupo finiĝis en la 24-a loko el 28, kaj ne eniris en la finalon.