| Flughaveno Istanbulo-Atatürk | |||||
|---|---|---|---|---|---|
|
| |||||
| internacia flughaveno • aerodromo de komerca trafiko | |||||
| IATA: ISL (estis antaŭe IST) ICAO: LTBA | |||||
| Resuma informo | |||||
| Lando | Turkio | ||||
| Regiono | Marmora regiono | ||||
| Tipo | Civila flughaveno | ||||
| Mastrumanto | Ĝenerala direktoraro de ŝtataj flughavenoj | ||||
| Apuda urbo | Istanbulo (24 km) | ||||
| Alteco | 50 m | ||||
| Geografia situo | 40° 58′ 53″ N, 28° 49′ 5″ O (mapo)40.98138888888928.818055555556Koordinatoj: 40° 58′ 53″ N, 28° 49′ 5″ O (mapo) | ||||
| |||||
| Kurej-angulo | 17/35, 05/23 | ||||
| Kurej-longo | 3.000 m, 2.580 m | ||||
| Retejo | www.ataturkairport.com | ||||
La Internacia Flughaveno Istanbulo-Atatürk (turke Atatürk Uluslararası Havalimanı) estas ĉe Istanbulo la plej granda flughaveno de Turkio kaj laŭ pasaĝeroj la kvina plej granda en Eŭropo. En 2015 ĝin uzis pli ol 60 milionoj da pasaĝeroj.[1]
La flughaveno situas en la eŭropa parto de Turkio, ĝi estis malfermita en 1924 kun la nomo Yeşilköy International Airport, laŭ la apuda setlejo Yeşilköy. En 1980 ĝi ricevis la nomon de la unua prezidento de la Turka Respubliko, Mustafa Kemal Atatürk.
La flughaveno konsistas el kvar stacioj, kiuj jene dividas la transportadon:
- Stacio 1: Enlandaj flugoj
- Stacio 2: Flugoj al eksterlando
- Stacio 3: Vartransportaj flugoj
- Stacio de Ĝenerala aviado (flugoj ne mendeblaj)
La flughaveno estas atingebla per la metroa linio M1A. Ĝi estas je la limo de sia kapacito, en junio 2014 oni komencis konstrui novan flughavenon 60 km norde de Istanbulo, kiu havu kapaciton de 150 milionoj da jaraj pasaĝeroj.
Detaloj
- Areo: > 300.000 m²
- Giĉetoj: 332 (108 + 224)
- Pakaĵ-redonaj bendoj: 18 (7 + 11)
- Parkejoj: 10.000
- Funkciaj horoj tage: 24
Referencoj
- ↑ Yolcu Trafiği (Gelen–Giden). Arkivita el la originalo je 2016-01-31. Alirita 2016-05-21.