| Inno Nazionale della Repubblica | ||
|---|---|---|
| Nacia Himno de la Respubliko | ||
 | ||
| nacia himno | ||
| lando | San-Marino | |
| kantoteksto | Federico Consolo | |
| muziko | Federico Consolo | |
| ekde | 1894 | |
Inno Nazionale della Repubblica (itale "nacia himno de la respubliko") estas la nacia himno de San-Marino. Ĝi posedas nur melodion, ne tekston.
La himno estis komponita de Federico Consolo, komponisto kaj violonisto el San-Marino, kiu bazis ĝin sur ĥoralo el la 10-a jarcento. Je la 11-a de septembro 1894 la Granda kaj Ĝenerala Konsilio dekretis ĝin kiel nacian himnon. Je la 30-a de septembro ĝi estis unuafoje prezentita en la Publika Palaco.
Antaŭ la akcepto de la himno oni sonigis ĉe ŝtataj aranĝoj armean marŝon de Ulisse Balsimelli. Al tiu marŝo ja ekzistis teksto.
Neoficiala teksto
La itala poeto Giosuè Carducci (1835–1907) verkis tekston, kiu harmonias kun la ritmo de la himno. Jen ĝia itala formo kun laŭvorta, ne laŭforma traduko:
| Originalo | traduko | |
|---|---|---|
| Oh antica Repubblica | Ho antikva respubliko, | |
| onore a te virtuosa! | honoron al vi multvirta! | |
| Onore a te | Honoron al vi, | |
| oh antica Repubblica! | ho antikva respubliko! | |
| Onore a te virtuosa! | Honoron al vi multvirta! | |
| Onore a te, | Honoron al vi, | |
| Generosa, fidente, virtuosa. | grandanima, fidoplena, multvirta! | |
| Oh, Repubblica, | Ho, respubliko, | |
| Onore e vivi eterna | honoron, kaj vivu eterne | |
| Con la vita | kun la vivo | |
| E gloria d'Italia | kaj la gloro de Italio! | |
| Oh antica Repubblica | Ho antikva respubliko, | |
| Onore a te. | honoron al vi! |
La sanmarina registaro neniam oficiale aprobis aŭ agnoskis tiun tekston.
Eksteraj ligiloj
| ||||||||||||