| In my country | |
|---|---|
| filmo | |
| Originala titolo | In My Country |
| Originala lingvo | angla lingvo |
| Kina aperdato | 2004 |
| Ĝenro | filma dramo |
| Reĝisoro(j) | John Boorman |
| Produktisto(j) | John Boorman • Robert Chartoff • Mike Medavoy |
| Scenaro | Antjie Krog • Ann Peacock |
| Loko de rakonto | Sud-Afriko |
| Muziko de | Murray C. Anderson |
| Rolantoj | Samuel L. Jackson • Juliette Binoche • Brendan Gleeson • Langley Kirkwood • Garrick Hagon • Charley Boorman • Fana Mokoena |
| IMDb | |
In my country (En mia lando) estas usona drama filmo de 2004 reĝisorita de John Boorman, kaj stelulita de Samuel L. Jackson kaj Juliette Binoche. Ĝi temas pri la historio de afrikanera poeto Anna Malan (Binoche) kaj de usona ĵurnalisto, Langston Whitfield (Jackson), sendita al Sudafriko por informi pri la aŭdiencoj de la Komisio por vero kaj repaciĝo.
La scenaro, verkita de Ann Peacock, estis bazita sur la memorlibro de Antjie Krog nome Country of My Skull. Speciala scenaro de la filmo estis donacita al Nelson Mandela en Decembro 2003 en ĉeesto de John Boorman, Juliette Binoche kaj Robert Chartoff.
Intrigo
Langston Whitfield (Samuel L. Jackson) estas usona ĵurnalisto de la ĵurnalo Washington Post kiu veturas al Sudafriko por informi pri la publikaj aŭdiencoj de la Komisiono por vero kaj repaciĝo. Temas pri amnestio por tiuj blankuloj kiuj estis responsaj pri kaj kondamnitaj pro la sistemo de apartismo, kondiĉe ke ili klarigu siajn farojn kaj pentu el la faraĵoj. Tiukadre li konas Anna Malan (Juliette Binoche), afrikanera blankulo kaj radioparolantino. Langston estas tre skeptika, ĉar li pensas, ke la afrikaneraj blankuloj pentos pri nenio vere, dum Anna pensas, ke temas pri agado kiu utilos por fermi la vundojn inter nigruloj kaj blankuloj en Sudafriko.
Dum okazas diversaj publikaj aŭdiencoj evidentas ke ja plimulto de gravaj blankuloj, policestroj, juĝistoj, terposedantoj, tute ne pentas pri la sistemo de apartismo kaj la torturoj, arestoj, murdoj, rezultantaj, kiel nura rimedo por elteni ilian privilegian statuson. Dume oni malkaŝas terurajn kazojn de la genocido fare de kla blankula sistemo. Siaflanke, Anne suferas krizon konsistantan en konfliktoj kontraŭ sia familio de afrikaneraj terposedantoj, kaj pli precize rilate al sia frato, kiu estas arda kaj sangelverŝa defendanto de apartismo kontraŭ nigruloj. Krome ŝi ankaŭ apartiĝas disde sia edzo por alproksimiĝo kaj al la agado de la Komisiono kaj al la usona ĵurnalisto.
Geaktoraro kaj roluloj
- Juliette Binoche kiel Anna Malan
- Samuel L. Jackson kiel Langston Whitfield
- Brendan Gleeson kiel De Jager
- Menzi Ngubane kiel Dumi Mkhalipi
- Aletta Bezuidenhout kiel Elsa
- Lionel Newton kiel Edward Morgan
- Langley Kirkwood kiel Boetie
- Owen Sejake kiel Reverend Mzondo
- Charley Boorman kiel Adam Hartley
Referencoj
Bibliografio
Eksteraj ligiloj
- En tiu ĉi artikolo estas uzita traduko de teksto el la artikolo In My Country (2004 film) en la angla Vikipedio.