Barono Imre Szalay [salai], laŭ hungarlingve kutima nomordo Szalay Imre estis hungara juristo, ministeria oficisto, muzeestro. Lia nobela antaŭnomo estis kéméndi, lia patro estis Ágoston Szalay.

Imre Szalay^[1] naskiĝis la 8-an de novembro 1846 en Vieno, li mortis la 24-an de julio 1917 en de:Gainfarn (Aŭstrio-Hungario).

Biografio

Imre Szalay maturiĝis en benediktana gimnazio en Sopron, poste li akiris 2 diplomojn en Reĝa Universitato de Pest en 1866 kaj 1868. Post siaj studoj li laboris ĉe diversaj advokatoj, pli poste en juĝejo, fine ekde 1869 en ministerio pri religio kaj eduko. Paŝo post paŝo li havis pli altajn postenojn, ekde 1884 li respondecis pri la muzeoj. Inter 1894 kaj 1916 li estis muzeestro de la Hungara Nacia Muzeo, sed li estis tre aktiva ankaŭ en baldaŭaj aliaj ekspozicioj. En 1912 li baroniĝis, krome li ricevis signifajn enlandajn kaj eksterlandajn premiojn. En 1916 li emeritiĝis. Li edziĝis en 1877, baldaŭ 2 gefiloj naskiĝis, en 1891 li vidviĝis.

Elektitaj kontribuoj

• Szalay Ágoston régiség-gyűjteményének ismertetése (1877)
• A Magyar Nemzeti Múzeum (1888, ankaŭ germane kaj france)
• A XIV. és XV. századbeli ötvösség két remeke (1893, 1895)
• Das Ungarische National-Museum (1902, ankaŭ france)
• Tájékoztató a múzeumok és könyvtárak építése és berendezésére (1909)
• Az Erzsébet királyné emlékmúzeum (1917)

Fontoj

• hungarlingva biografio kun fotoj
• hungarlingva biografio (la koncerna teksto estas legebla post klako al SZ, poste serĉu la nomon)
• hungarlingva biografio (la koncerna teksto estas legebla post klako al SZ, poste serĉu la nomon)
• hungarlingva biografio (la koncerna teksto estas legebla en la 5-a punkto)

Referencoj