Imre Gyöngyössy [djondjoŝi], laŭ hungarlingve kutima nomordo Gyöngyössy Imre estis hungara reĝisoro, scenaristo. Lia edzino estis Katalin Petényi, ilia konata filo estis Bence Gyöngyössy.

Imre Gyöngyössy^[1][2] naskiĝis la 25-an de februaro 1930 en Pécs, li mortis la 1-an de majo 1994 en Budapeŝto.

Biografio

Imre Gyöngyössy estis edukita en vilaĝo Értény. Li maturiĝis en benediktana gimnazio en Győrszentmárton en 1948, poste li studis en Scienca Universitato Loránd Eötvös. Li sidis en prizono pro falsaj akuzoj inter 1951-1954. En la sekvaj jaroj li estis poeto kaj dramisto. Li akiris reĝisoran diplomon en Altlernejo pri Teatro kaj Filmo en 1961, titempe li verkis scenarlibrojn. Lia ĉefinstruisto estis Félix Máriássy. Post la diplomo li laboris en la filma produktejo, kie li estis ĉefe scenaristo, iom poste ankaŭ reĝisoro. En 1980 li translokiĝis kun sia familio al Okcidenta Germanio per permeso, ankaŭ tie li estis filmisto. Depost fino de la socialismo li hejmenvenis. Li ofte faris filmojn kune kun Barna Kabay. Li ricevis premiojn inter 1971-1995. Lia edzino naskis 2 gefilojn.

Liaj filmaj reĝisoraĵoj (elekto)

• Férfi arckép (dokumenta filmo, 1965)
• Szarvassá vált fiúk (1974) - ankaŭ scenaristo
• Jób lázadása (1983) - ankaŭ scenaristo
• Yerma (1984) - ankaŭ scenaristo
• Siebenbürgen - Süße Heimat (televida filmo, 1989) - ankaŭ scenaristo
• Halál sekély vízben (1994) - ankaŭ scenaristo

Liaj scenarlibroj (elekto)

• Amíg holnap lesz (1962)
• Legenda a nyúlpaprikásról (1975)
• Der Wunderrabbi (televida filmo, 1986)
• Holtak szabadsága (dokumenta filmo, 1993) - ankaŭ reĝisoro

Lia filmo kiel filmomuntisto

• Két elhatározás (dokumenta filmo, 1978) - ankaŭ reĝisoro kaj scenaristo

Lia filma produktaĵo

• Add tudtul fiadnak (televida filmo, 1985) - ankaŭ reĝisoro

Lia filmo kiel dramaturgo

• Nyáron egyszerű (1964) - ankaŭ reĝisoro

Fontoj

• hungarlingva biografio kun foto
• hungarlingva biografio kun foto
• hungarlingva biografio
• hungarlingva biografio
• hungarlingva biografio
• roloj

Referencoj