| Ilm | |
|---|---|
 la rivero proksime de Langewiesen | |
| rivero | |
| Bazaj informoj | |
| Situo | en centra Turingio (Germanio) |
| Longeco | 129 km |
| Fluo | |
| Fonto | fontorojoj Lengwitz kaj Freibach |
| - Alteco super marnivelo | 750 m resp. 950 m super marnivelo |
| Enfluejo | en la riveron Saale apud Großheringen |
| - Alteco | 120 m |
| Altecodiferenco | 630 m resp. 830 m |
| Geografio | |
| Trairataj urboj | Ilmenau, Vajmaro kaj Apolda, krome la urbetoj Langewiesen, Stadtilm, Kranichfeld, Bad Berka kaj Bad Sulza |
| Alfluantoj | |
| - Dekstraj | Gabelbach, Schorte, Wohlrose, Deube, Schwarza, Magdel, Krebsbach |
| - Maldekstraj | Rottenbach, Wümbach, Humbach, Pfiffelbach, Emsenbach |
Ilm estas rivero, en la federacia lando Turingio de Germanio. Ĝi fontas en du lokoj ĉe la norda rando de la mezalta montaro Turingia Arbaro. Post entute 129 kilometroj (kalkulante de la fontoloko de la plej longa fonta rojo) ĝi enfluas la riveron Saale. La plej grandaj urboj survojaj estas Ilmenau, Vajmaro kaj Apolda, krome la urbetoj Langewiesen, Stadtilm, Kranichfeld, Bad Berka kaj Bad Sulza.
La nomo devenas de la vorto ulmo, arboj da kiuj historie multaj bordis la unuan parton de la rivero. Ulmaj folioj retroveblas ekzemple en la blazono de la urbo Ilmenau ("ulma herbejo"). Post Saale, Werra kaj Unstrut temas pri la kvara plej longa rivero de Turingio. Sur la tuta rivera vojo ne ekzistas eĉ unu akvobaraĵo, kio por Turingia rivero estas nekutimaĵo. En Vajmaro la riveronomon portas la fama Ilm-parko.
Urboj kaj komunumoj laŭlonge de la rivero
- Stützerbach (Km 5)
- Manebach (Km 11)
- Ilmenau (Km 15)
- Grenzhammer (Km 17)
- Langewiesen (Km 20)
- Gräfinau-Angstedt (Km 25)
- Cottendorf kaj Dörnfeld (Km 31)
- Griesheim (Km 33)
- Stadtilm (Km 38)
- Großhettstedt (Km 43)
- Kleinhettstedt (Km 44)
- Dienstedt (Km 46)
limo inter la distriktoj Ilm kaj Weimarer Land
- Barchfeld (Km 50)
- Stedten (Km 51)
- Kranichfeld (Km 54)
- Tannroda (Km 57)
- Bad Berka
- Hetschburg
- Buchfart
- Oettern
- Mellingen
- Weimar
- Kromsdorf
- Oßmannstedt
- Apolda
- Niederroßla
- Mattstedt
- Wickerstedt
- Niedertrebra
- Bad Sulza
- Großheringen
Geografio
Ilm-biciklovojo (germane: Ilmtal-Radweg aŭ Ilmradweg) estas 123 km longa biciklovojo laŭlonge de Ilm-rivero, kiu sub modesta kaj mezmodesta malfacileco kondukas de Allzunah supre de Ilm-fonto ĝis Ilm-enfluo al Saale je Großheringen fakte ĝis la vitejkomunumo Kaatschen-Weichau. Tie ĝi ne simple finiĝas sed kunfandiĝas kun la belega Saale-biciklovojo.