| IJK 1938 | ||
|---|---|---|
| Loko | Groet,  Nederlando | |
| Ekde | 10-a de aŭgusto 1938 | |
| Ĝis | 17-a de aŭgusto 1938 | |
| Sekva → | ||
La 1-a Internacia Junular-Kunveno (aranĝo poste konata kiel Internacia Junulara Kongreso, IJK) okazis ekde la 10-a ĝis la 17-a de aŭgusto 1938 en la nederlanda vilaĝo Groet. La aranĝon organizis du nederlandaj instruistoj-geedzoj – la geedzoj Elisabeth van Veenendaal kaj Cornelis Josinus van Veenendaal – kaj partoprenis ĝin ĉirkaŭ 200 junuloj el 10 landoj. Dum ĝi, la 14-an de aŭgusto 1938, fondiĝis la Tutmonda Junular-Organizo (TJO, poste TEJO) kiu poste okupiĝis pri organizado de pliaj IJK-j en la sekvaj jaroj.
La germana Esperanto-aktivulo Julius Glück nomis la 1-a IJK-on "la tria grava okazo en la movado esperantista" post la aperigo de la Unua Libro kaj la 1-a Universala Kongreso.[1]
Ekzistas filmo pri la 1-a IJK, kiun oni post la aranĝo montris en multaj urboj kaj vilaĝoj en Nederlando kaj Anglio. Pri tiu filmservo de TJO respondecis la aktivulo H. J. Schut[2], instruisto en Koedijk[1].
Referencoj
- 1 2 Pieter Krijt: Tutmonda Junular-Organizo. En: Litova Stelo, novembro 1938, paĝo 14.
- ↑ H. J. Schut: Filmservo de T. J. O., en: La Juna Vivo, julio 1939 (el Retarkivo 2007), paĝo 11.
Eksteraj ligiloj
- Internacia Junularkunveno 1938 - ciferecigo de unua duono de la senvoĉa filmo pri la 1-a IJK
| ||||||
