 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Hydrangea heteromalla D.DON | ||||||||||||||
Aliaj Vikimediaj projektoj | ||||||||||||||
La Hydrangea heteromalla, ankaŭ konata kiel ĉina hidrangeo estas arbusto aŭ malgranda arbo el la plantfamilio de la Hidrangeacoj. Ĝi estas pro sia dekoraj floroj ofta ornamplanto. La natura disvastigejo estas Azio kaj etendiĝas de la modera ĝis la tropika zonoj.
Priskribo
La Ĉina hidrangeo formas 2 ĝ 5 aŭ pli altan arbuston aŭ malgrandan arbon. La branĉoj estas ruĝaj-brunaj ĝis brunaj, haraj kaj poste kalvaj. Ili havas malmultajn ovalajn korkporojn. La folioj havas 2 ĝis 4 cm longan, viol-ruĝan petiolon. La foliplato estas simpla, 6 ĝis 15 cm longa kaj 3 ĝis 8 cm larĝa, ovala, larĝe ovforma aus oblonge ovforma, pinta aus oblonge pinta kun iom korforma, obtuza bazo. La rando estas duoble segildenta. La supra folisurfaco estas flave bruna, rigidhara aŭ preskaŭ kalva. La malsupra folisurfaco havas dense grize blankajn harojn. Ekzistas sep ĝis naŭ nervuraj paroj.[1][2]
La floroj estas en ombrelformaj, 15 ĝis 20 cm larĝaj, haraj duflankaj cumoj, kiu atingas je fruktmatureco larĝecon de de 27 cm. La multaj sterilaj floroj havas kvar 0,7 ĝis 1,6 cm longaj kaj 0,5 ĝis 1,4 cm larĝaj, blankaj aŭ flavaj, ovalaj, larĝe ovformaj aŭ larĝe rondaj, glatrandaj sepaloj kun rondigita aŭ korforma bazo. La fekundaj floroj havas unu 1 ĝis 1,5 mm longan, funelforman ĝis sonorilforman kaliktubonkun 0,5 ĝis 1,5 mm longaj triangulaj kalikdentoj. La petaloj estas 1,8 ĝis 2,0 mm longaj, blankaj ĝis flavaj, oblongaj-ovformaj. La dek stamenoj estas nesamgrandaj, la anteroj estas ĉirkaŭ 0,5 mm grandaj kaj globaj. La ovario estas mezstaranta, la tri aŭ kvar pistiloj estas starantaj, alenformaj kaj atingas longecon de 1 ĝis 1,3 mm. La stigmo estas malgranda. La foniklofruktoj estas ovformaj ĝis rondaj kaj havas diametron de 2,5 ĝis 3,5 mm. La semoj estas 0,7 ĝis 1,0 mm longaj, flave brunaj kaj ovalaj ĝis oblongaj kaj havas je ambaŭ finoj 0,2 ĝis 0,5 mm longajn flugilojn. La planto floras de junio ĝis julio, la fruktoj maturiĝas de septembro ĝis oktobro.[1][2]
Disvastigo kaj ekologio
La natura disvastigejo etendiĝas de la modera ĝia la tropika zonoj de Azio. La specio troviĝas en la ĉinaj provincoj Tibeto, Junano kaj Siĉuano, en Butano, Nepalo kaj la hindaj subŝtatoj Okcidenta Bengalio, Arunaĉal-Pradeŝo, Asamo, Utar-Pradeŝo kaj Sikimo.[3] Ĝi kreskas en arbaroj sur montdeklivoj kaj montpintoj en alteco de 2400 ĝis 3400 metrojn[1]. Ĝi preferas meze sekan ĝis humidan kaj acedetan ĝis bazetan, gravelan aŭ sablan-loman grundon. Ĝi preferas duonombran lokon. La specio estas frosttolera.[3]
Sistematiko
La Ĉinia hidrangeo (Hydrangea heteromalla) estas specio el la genro de la hidrangeoj (Hydrangea) el la familio de la Hidrangeacoj (Hydrangeaceae), subfamilio Hydrangeoideae, Tribus Hydrangeae. Ĝia unua priskribo estas de David Don 1825.[3]
Ĝi formas kun Hydrangea xanthoneura kaj Hydrangea bretschneideri agregatan specion.[4] Ofte Hydrangea bretschneideri estas rigardata kiel Hydrangea heteromalla 'Bretschneideri' , do nur kultivaro de la ĉina hidrangeo.[2]
Utiligado
Ĝi estas pro siaj dekorativaj floroj ofta ornamarbusto.[2]
Literaturo
- Roloff, Andreas, Andreas Bärtels:Flora der Gehölze, eldonejo Ulmer, Stuttgart (Hohenheim), 2008, ISBN=978-3-8001-5614-6, p. 338
- Fitschen,Jost: Gehölzflora, eldonejo Quelle & Meyer, Wiebelsheim, 2007, ISBN=3-494-01422-1, 12a eldono, p. 529
- Cheers, Gordon (eldon.): Botanica Bäume & Sträucher, eldonejo Tandem, 2006, ISBN=978-3-8331-2003-9, p. 449
Referencoj
- 1 2 3 Wei Zhaofen, Bruce Bartholomew: Hydrangea heteromalla in Flora of China. Band 8, S. 417
- 1 2 3 4 Roloff et al.: Flora der Gehölze, S. 338
- 1 2 3 intereto United States Department of Agriculture. Retadreso GRIN TaxonNr=19450, Hydrangea heteromalla Hydrangea heteromalla, Germplasm Resources Information Network (GRIN), legado:2012-03-10}}
- ↑ Fitschen: Gehölzflora, S. 529