Horní Benešov
germane Bennisch, pole Beneszów Górny
urbo
Preĝejo de sankta Katarino
Flago Blazono
Oficiala nomo: Horní Benešov
Ŝtato	Ĉeĥio
Regiono	Moraviasilezia regiono
Distrikto	Distrikto Bruntál
Administra municipo	Bruntál
Historia regiono	Ĉeĥa Silezio
Montaro	Nízký Jeseník
Ŝoseo	I/11
Situo	Horní Benešov
- alteco	568 m s. m.
- koordinatoj	49° 58′ 00″ N 17° 36′ 00″ O / 49.96667 °N, 17.60000 °O / 49.96667; 17.60000 (mapo)
Areo	20,40 km² (2 040 ha)
Loĝantaro	2 253 (2023)
Denseco	110,44 loĝ./km²
Fondo	1253
Horzono	MET (UTC+1)
- somera tempo	MET (UTC+2)
Poŝtkodo	793 12
NUTS 3	CZ081
NUTS 4	CZ0811
Katastraj teritorioj	1
Partoj de urbo	2
Situo enkadre de Ĉeĥio Situo enkadre de Ĉeĥio
Situo enkadre de Moraviasilezia regiono Situo enkadre de Moraviasilezia regiono
Vikimedia Komunejo: Horní Benešov
Retpaĝo: www.hbenesov.cz
Portalo pri Ĉeĥio

Horní Benešov (germane Bennisch), ĝis la jaro 1926 Benešov, estas urbo en distrikto Bruntál en Ĉeĥio. Ĝi situas en Silezio sur ĉefŝoseo inter Opava (20,5 km) kaj Bruntál (13 km) proksime de limo kun Pollando. En Horní Benešov vivas 2 253 loĝantoj (2023).

La najbaraj municipoj de la setlejo estas Lichnov, Sosnová, Razová, Leskovec nad Moravicí, Horní Životice kaj Staré Heřminovy.

Historio

La devena nomo de la urbo estis Benešov, nur en la jaro 1926 okazis ŝanĝo je Horní Benešov. Historiaj registroj mencias pri ekzistado de Benešov jam en la jaro 1226 kiel pri minista vilaĝo. Minejoj por arĝento apartenis al la plej malnovaj en la lando.

Pri la loĝigado de regiono meritis Vok la 1-a, bofilo de Přemysl Otakar la 2-a. La urbo suferis pro la tridekjara milito, kiam nova superularo komencis rekatoligon kaj la marŝantaj soldataroj prirabis la urbon. Post la tridekjara milito la urbo malrapide resaniĝis spite al senĉesa malkresko de la minado kaj en 1669 ĝi ricevis de imperiestro Leopoldo la 1-a rajton okazigi tri fojrojn pojare.

Granda malfeliĉo por la urbo estis incendioj. La urbo forbrulis en 1717, denove en 1767 kaj preskaŭ tute en la bazojn en la jaro 1820.

En la 19-a jarcento Benešov apartenis al distrikto Bruntál kaj la urbo fariĝis signifa centro de teksindustrio. En la urbo estis ankaŭ bierfarejo, uzino por produktado de likvoroj kaj fruktsukoj. La minado de ercoj estis renovigita en 1830, sed en 1887 ĝi estis ĉesigita. La minejoj estis denove funkciaj en la jaroj 1951-1992.

Loĝantaro

Partneraj urboj

• Pszów