Hlučín
germane Hultschin, pole Hulczyn, esperante: Hluĉino
urbo
Urbodomo en Hlučín
Flago Blazono
Oficiala nomo: Hlučín
Ŝtato	Ĉeĥio
Regiono	Moraviasilezia regiono
Distrikto	Distrikto Opava
Administra municipo	Hlučín
Historiaj regionoj	Ĉeĥa Silezio, Prusio, Supra Silezio
Parto de	Hluĉinio
Montaro	Opava montetaro
Transporto	Fervojlinio 317
- ŝoseo 1	I/56
Memorindaĵo	Muzeo de fortikaĵoj
Lago	Hluĉina lago
Situo	Hlučín
- alteco	241 m s. m.
- koordinatoj	49° 53′ 48″ N 18° 11′ 35″ O / 49.89667 °N, 18.19306 °O / 49.89667; 18.19306 (mapo)
Areo	21,13 km² (2 113 ha)
Loĝantaro	13 506 (2023)
Denseco	639,19 loĝ./km²
Unua skribmencio	1303
Horzono	MET (UTC+1)
- somera tempo	MET (UTC+2)
Poŝtkodo	748 01
NUTS 3	CZ080
NUTS 4	CZ0805
NUTS 5	CZ0805 507016
Katastraj teritorioj	3
Partoj de urbo	3
Bazaj setlejunuoj	21
Situo enkadre de Ĉeĥio Situo enkadre de Ĉeĥio
Situo enkadre de Moraviasilezia regiono Situo enkadre de Moraviasilezia regiono
Vikimedia Komunejo: Hlučín
Retpaĝo: www.hlucin.cz
Portalo pri Ĉeĥio

Kastelo en Hlučín

Stacidomo en Hlučín

Hlučín de sudokcidento, bildkarto el la jaro 1938

Hlučín (germane Hultschin) estas urbo en Ĉeĥio situanta inter urboj Ostrava kaj Opava ĉe Hlučín-montaretpiedo super ampleksa ebenaĵo de rivero Opava. En la urbo vivas 13 506 loĝantoj (2023).

La najbaraj municipoj de la setlejo estas Vřesina, Ostrava, Šilheřovice, Ludgeřovice, Markvartovice, Dobroslavice, Darkovice, Děhylov kaj Kozmice.

Historio

Laŭ dokumento el la jaro 1303 fondis la urbon reĝo Přemysl Otakar la 2-a iam en duono de la 13-a jarcento kiel staplocentro en vojkruciĝo de vojoj el urbo Opava ĝis Moravia Ostrava kaj el regionoj de Bílovec kaj Klimkovice ĝis Racibórz. Administra centro estis en burgo sur Landek, la monteto super kunfluejo de riveroj Ostravice kaj Odra. Fine de la 15-a jarcento Landek estis detruita kaj la administra centro estis transportita ĝis Hlučín. En la jaro 1492 Hlučín fariĝis urbeto. Negativan falon al la urbo havis prusia-aŭstria milito je aŭstria heredaĵo, post kiu Silezio estis apartigita kaj la tuta Hluĉinio estis en la jaro 1742 aligita al Prusio. Hlučín fariĝis limregiona urbo kaj ties evoluo stagnis. Certa iniciato al ekonomia reviviĝo okazis post la jaro 1913, kiam estis finita fervojo ĝis Kravaře. Komence de la 19-a jarcento kuniĝis kun Hlučín Dlouhá Ves (Longa Vilaĝo) (menciata jam en la jaro 1350) kaj nuntempaj urbopartoj Podhoří kaj Závodí. En la jaro 1920 Hlučín estis aligita surbaze de traktato de Versajlo reen al Ĉeĥoslovaka respubliko kaj ĝi fariĝis administra centro de politika kaj juĝeja distrikto Hlučín. En la jaroj 1938–1945 ĝi estis konsisto de la germana anekso, post la dua mondmilito estis renovigita la antaŭmilita stato.

Senjoro Bernard el Zvole, kies blazono, ĉizita en ŝtono, estas enmasonita en vestiblon de la urbodomo, plej multe akiris meriton rilate al ekkonstruo kaj evoluo de la urbo. El ties tempo devenas kastelo, kiun li igis konstrui sur fundamentoj de gotika burgo. Ĝis nun konserviĝis ankaŭ partoj de urbaj remparoj kaj bastionoj. Krom ili al kulturmemorindaĵoj de la urbo apartenas ankaŭ la konstruaĵo de la urbodomo, kripto de familio Wettekamp, preĝejo kaj pluaj konstruaĵoj, kiuj estas unikaj en la regiono.

Loĝantaro

Partoj de urbo

• Hlučín (katastra teritorio (k. t.) Hlučín)
• Bobrovníky (k. t. Bobrovníky)
• Darkovičky (k. t. Darkovičky)

Naskiĝintoj

En Hlučín naskiĝis muzikaj komponistoj Pavel Josef Vejvanovský kaj Paul Blaschke, verkistoj Bohumil Hynek Bílovský kaj Tomáš Xaverius Laštůvka, pentristoj Jan Bochenek kaj Jan Janda, filozofo Alois Hrusik, sciencisto Karel Ferdinand Václavík, ĵurnalisto Johanes Meyer-Hultschin. Multaj pluraj eminentaj personecoj ĉi tie pasigis parton de sia vivo.

Ĉirkaŭaĵo

La pentrinda ĉirkaŭa pejzaĝo kun kulturmemoraĵoj proponas multe da refreŝigajn eblecojn. Estas ĉi tie Hluĉina lago - grandarea ĉeakva refreŝigejo kun areo 140 ha (ĝi enhavas naturbanejon, herbejplaĝojn, pruntedonejon de ŝipoj kaj akvobicikloj, ludejon por stranda volejbalo, minigolfejon, aŭtokampadejon, pensionon kaj aliajn, eblas ĉi tie skii sur akvoskioj, jaĥtado kaj tabulvelado). En la proksimeco de la refreŝigejo estas Infana farmo, kie oni okupiĝas per bredado de ĉevaloj, per hipoterapio, ebleco de rajdado. Proksime de la urbo troviĝas linio de ĉeĥoslovakaj antaŭmilitaj fortikaĵoj, konstruitaj en la jaroj 1935–1938. Kelkaj el ili nun kreas muzeon, viziteblan por publiko preskaŭ ĉiutage. Unufoje dum jaro (en majo) oni prezentas tie atakon kaj ties defendon laŭ militdoktrino el la jaro 1938.

Partneraj urboj

• Namyslow urbo en Pollando
• Nebelschütz urbo en Germanio
• Ružomberok urbo en Slovakio

Rilataj temoj

• Muzeo de fortikaĵoj Hlučín-Darkovičky
• Hluĉinio
• Ŝtonegoj el Rovniny