 Kiel legi la taksonomion | ||||||||||||
|---|---|---|---|---|---|---|---|---|---|---|---|---|
 Paro de idoj de Aŭstralia hirundo Hirundo neoxena unu tagon post elnestiĝo. | ||||||||||||
| Biologia klasado | ||||||||||||
| ||||||||||||
Aliaj Vikimediaj projektoj | ||||||||||||
La genro de birdoj Hirundo (precize tiel, Hirundo, ankaŭ latine) estas grupo de paserinoj el la familio Hirundedoj, kiuj kutime nomiĝas simple "hirundoj". La birdoj el tiu ĉi genro estas la tipaj hirundoj, inkluzive la disvastigitan Kamphirundon, kies nomo etendiĝis al la cetero de la familio. Multaj el tiu grupo havas blunigrajn dorsojn, ruĝon en vizaĝo kaj foje ĉe pugo aŭ nuko, kaj blankecajn aŭ ruĝecajn subajn partojn.
Ĉiuj specioj troviĝas en la Malnova Mondo, sed unu, la kamphirundo, estas pli tutmonda, kaj ĉeestas ankaŭ en Ameriko.
Genetika pruvo ĵus montris, ke multaj el la specioj ĝis tiam inkluditaj en Hirundo estas malpli rilataj ol ties aspekto sugestis; tiuj specioj estas foje traktitaj en la separataj genroj Cecropis (ekz. Ruĝpuga hirundo Cecropis daurica, iam Hirundo daurica) kaj Petrochelidon (ekz. Klifhirundo Petrochelidon pyrrhonota, iam Hirundo pyrrhonota); ili estas diferencaj el tipaj specioj de la genro Hirundo same kiel la Murhirundo de la genro Delichon.
Species
- Kamphirundo Hirundo rustica
- Ruĝbrusta hirundo Hirundo lucida
- Angola hirundo Hirundo angolensis
- Pacifika hirundo Hirundo tahitica
- Aŭstralia hirundo Hirundo neoxena
- Blankgorĝa hirundo Hirundo albigularis
- Etiopa hirundo Hirundo aethiopica
- Kablovosta hirundo Hirundo smithii
- Blankgorĝa bluhirundo Hirundo nigrita
- Punktoflugila hirundo Hirundo leucosoma
- Blankvosta hirundo Hirundo megaensis
- Perlobrusta hirundo Hirundo dimidiata
- Monta bluhirundo Hirundo atrocaerulea
- Nigroruĝa hirundo Hirundo nigrorufa
Referencoj
- del Hoyo et al., eds. (2004). Handbook of the Birds of the World. Lynx Edicions. ISBN 84-87334-69-5
- A. Turner & C. Rose (1989). Swallows and Martins. Helm. ISBN 0-7470-3202-5