| Hillion / Hilion | |||||
|---|---|---|---|---|---|
| komunumo | |||||
 | |||||
| komunumo en Francio | |||||
|
|
| ||||
| Flago | Blazono | ||||
| Administrado | |||||
| Regiono | Bretonio | ||||
| Departemento |  Côtes-d'Armor | ||||
| Arondismento | Saint Brieux | ||||
| Kantono | Langueux | ||||
| |||||
| INSEE kodo | 22081 [+] | ||||
| Poŝtkodo | 22120 | ||||
| En TTT | Oficiala retejo [+] | ||||
| Demografio | |||||
| Loĝantaro | 4 274 (2021) [+] | ||||
| Loĝdenso | 173 loĝ./km² | ||||
| Geografio | |||||
| Geografia situo | 48° 31′ N, 2° 40′ U (mapo)48.513611111111-2.6688888888889Koordinatoj: 48° 31′ N, 2° 40′ U (mapo) [+] | ||||
| Alto | 43 m [+] | ||||
| Areo | 24,76 km² (2 476 ha) [+] | ||||
| Horzono | UTC+01:00 [+] | ||||
 | |||||
| |||||
| |||||
|
| |||||
| Alia projekto | |||||
 Vikimedia Komunejo Hillion [+] | |||||
.svg.png.webp)
Hillion (jen france, prononco, bretone Hilion, esperante Hiliono (ekde la sat-amikara kongreso de 2010) estas komunumo de Francio. Ĝi situas en la departemento Côtes-d'Armor (jen france, bretone Aodoù-an-Arvor), “marbordoj de la lando ĉe la maro”, en la regiono Bretonio (france Bretagne, bretone Breizh). Fine de 2021 en la komunumo vivis 4 274 loĝantoj.
Geografio
Hiliono situas ĉe la golfeto de Sankta Briego, kiu evoluas laŭ la tajdoj. Pro miloj da malkovritaj hektaroj dum malalta tajdo, pro moviĝantaj riveretoj, kiuj senĉese kruciĝas kaj disiĝas por fine atingi maron, la golfeto de Sankta Briego proponas grandiozan spektaklon, kie fontas la vivo. Fakte, tiu golfetfundo ĉefe rolas en ekologia funkciado de la tuta golfeto.
Danke al la ekologia riĉeco de la golfeto, la du klifegoj de Yffiniac kaj Morieux vintre iĝas internacie famkonata haltejo por migrantaj birdoj. Ĉiuvintre, ĉirkaŭ 50.000 birdoj rendevuas ĉi tie. Multaj el ili (bemikloj, marĉaj skolopoj, anasoj, ...) traflugas ĝis 10.000 kilometroj antaŭ ripozi kaj sin nutri en la golfeto.
La golfetfundo estas ĉemara malsekejo internacie interesinda. Ekde 1998, la franca ŝtato promociis ĝin kiel « nacia natura rezervejo ».
Historio
Prahistoria periodo
Spuroj pruvas ke keltoj instaliĝis ĉe Hiliono ĉirkaŭ la jaro 650 antaŭ nia erao.
Menhiroj staras en Carquitté, sude de linio inter Hiliono kaj Morieux.
Romia periodo
Vojo longa je 5 kilomeroj trairis la lokon.
Mezepoka periodo
Rigualo, filo de la reĝo de Dumnonia elmigris en la 5-a jarcento kun kelkaj servistoj kaj albordiĝis ĉe la influejo de la rivero Gouët, ĉe la norda marbordo de Armoriko.
Laŭdire li li trovis proksime romian vojon, arbaron kaj valeton. La loko taŭgis do por instaliĝi, konstrui domojn kaj kultivi la grundon. Tiu konstruaĵaro fariĝis la ĝermo de la nuna urbo Sankta Briego.
Rigualo pli kaj pli vastigis sian bienaron ĝis la rivero Gouessant. Kiam li renkontis sian kuzon Briego, li donacis al li parton de sia bieno kaj emeritiĝis en sia kasteleto de Hillion en la villaĝo Licelion.
Ĉar paŝtis multe da sovaĝaj poneoj en la lando, li malsovaĝigis ilin. Legendo [1], rakontas lian renkontiĝon kun Fragan, kiu vivis apude, ĉirkaŭ 4 kilometrojn oriente (en la nuna loko Ploufragan).
Rigualo iĝis la unua reĝo de Armoriko.[2]
En la 15-a jarcento, multaj kasteloj estis konstruitaj ĉirkaŭ Hiliono. Oni nombras ĝis 39 en tiu loko dum tiu periodo.
Konstruaĵoj
Kolombejo
La kolombejo el la 16-a jarcento estas la nura restaĵo de la kastelo Clos-Gueguen.
Guillaume Gueguen (1440-1506) estis episkopo de Nantes kaj konsilisto de la gedukoj Francisko kaj Ana. Lia juna frato, Bertrand, estis ŝildportisto de la dukino. Li konstruigis sian kastelon en Hillion.
Kiel sinjoro, li kolektis impostojn pro ĉiu alboatiĝo en la haveneto de Grâce en Hillion. Li ricevis ankoraŭ imposton pro la transirado de bestoj laŭ la strando kaj pro la muelado en la akvomuelejoj, kiuj situis en la vilaĝo Pont Neuf sur la rivero Gouessant.
Nur li rajtis ĉasi la birdojn sur sia bienaro. Lia partfarmisto rajtis purigi la kolombejon de la sinjoro kaj uzi la sterkaĵon, sed li ne rajtis mortigi la kolombojn, eĉ se ili ruinigis la rikoltojn.
Preĝejo Sankta Johano Baptisto
La unua preĝejo, kies navo konserviĝis ĝis nun, estis konstruita en la 11-a jarcento en romana stilo. Skulptaĵoj sur kelkaj pilieroj montras vegetalojn. Ili datiĝas de la sama epoko.
Sakristio estis aldonita en la 12-a jarcento kaj renovigita en la 19-a jarcento. Dum la 14-a jarcento transformiĝoj okazis: tri spanoj estis malfermitaj, la transepto, la flankoj kaj la ĥorejo. Nur la navo do datiĝas de la origina preĝejo. En la 15-a jarcento estis konstruita la kapelo de la nobela familio Gueguen.
La turo datiĝas de 1611, la baptokuvo de la 14-a jarcento.
La ĉefa vitralo montras la vivon de sankta Johano Baptisto kaj sankta Briego. Auguste Steinheil realigis ĝin en 1855. Tiu vitralisto renovigis ankaŭ la vitralojn de la katedraloj de Strasburgo kaj Sainte Chapelle. En la preĝejo de Hiliono, videblas ankaŭ bunta ligna statuo de sankta Briego.
Ponto Rolland
De la ponto Rolland, kiu transiras la riveron Gouessant, eblas piediri laŭlonge de la enfluejo. La pado dekstre de la rivero direktiĝas al Morieux, tiu maldekstre al Hillion.
Famaj personoj
Georges Palante
Georges Palante naskiĝis en 1862. Li estis profesoro pri filozofio kaj filozofa verkisto. En 1890 li instruis en la liceo de Saint-Brieuc. Louis Guilloux estis unu el liaj lernantoj. Li konstruigis domon en Hillion, apud la vilaĝo Grandville rande de la maro en Bretonujo por ripozi. Li skribis: "Mi foje venas por kaŝi min frumatene inter la rokegoj de Gouessant... mi rigardas la sunleviĝon. Tiom silentas."
Li mortis en Hillion en 1925.
Referencoj
Eksteraj ligiloj
- https://mairie-hillion.fr/fr Oficiala retejo (france)
- Hiliono ĉe infobretagne.com
- La departementaj arkivoj pri Hiliono, arkivigitaj laŭ stato de marto 2012
- Fotoj de la urbo kaj de la strandoj de Hiliono
- Retejo de la SAT-Amikara Kongreso, okazinta en Hiliono, arkivigita laŭ stato de decembro 2016 Arkivigite je 2013-07-11 per la retarkivo Wayback Machine (esperante)
Vidu ankaŭ