Hidrogena peroksido
Plata kemia strukturo de la Hidrogena peroksido
Tridimensia strukturo de la Hidrogena peroksido
Alternativa(j) nomo(j)
Duoksidano Oksidanilo Oksigenohava akvo Perhidroksoata acido
Kemia formulo	H2O2
CAS-numero-kodo	7722-84-1
ChemSpider kodo	763
PubChem-kodo	784
Merck Index	14,4798
Fizikaj proprecoj
Aspekto	tre klarblua koloro (kiam pura), senkolora en solvaĵo kun milde akra odoro
Molmaso	34.0147 g·mol−1
Denseco	1.11 g cm−3
Fandpunkto	−0.43 °C (20 °C, 30% (w/w) solvaĵo) −11 °C (90%) −33 °C (35%)
Bolpunkto	150.2 °C (malkomponiĝas) 142 °C (90%) 108 °C (35%, malkomponiĝas)
Refrakta indico	${\displaystyle n_{761}^{20}}$ 1,4061
Ekflama temperaturo	Nebrulema
Acideco (pKa)	11.75
Solvebleco	Akvo:Tute miksebla en akvo, etero k alkoholo
Mortiga dozo (LD50)	1518 mg/kg (buŝe, duona dozo) 1418 ppm (buŝe, duona dozo) 227 ppm (buŝe, plej malalta dozo)
Sekurecaj Indikoj
Risko	R8 R20/22 R22 R34 R37/38
Sekureco	S17 S26 S36/37/39 S39 S45
Pridanĝeraj indikoj
Danĝero Xn Noca por la sano C Koroda O Oksidiga agento
GHS etikedigo de kemiaĵoj
GHS Signalvorto	Danĝera likvaĵo
GHS Damaĝo-piktogramo
GHS Deklaroj pri damaĝoj	H271, H302, H314, H332, H335, H412
GHS Deklaroj pri antaŭgardoj	P280, P305+351+338, P310
Escepte kiam indikitaj, datumoj estas prezentataj laŭ iliaj normaj kondiĉoj pri temperaturo kaj premo (25 °C kaj 100 kPa)

Hidrogena peroksido, iom pli mallonge hidrogenperoksido aŭ oksigena akvo (H₂O₂) estas kemia kombinaĵo de hidrogeno kaj oksigeno, senkolora likvaĵo, produktita plej ofte kiel akva solvaĵo. Ĝi estas uzata ĉefe por blankigo de kotono, teksaĵoj, celulozo, produktado de kemiaĵoj, pelaĵo por raketoj, por kosmetikaĵoj. Se la akva solvaĵo superas 8%, ĝi damaĝas la homan haŭton.

La kemiaĵo estis malkovrita en 1818 kaj estas plej simpla membro de la peroksidoj. Ĝi estas pli densa ol la akvo, kun kiu ĝi miksiĝas en ĉiu proporcio. La pura hidrogena peroksido frostas je −0,43 °C kaj bolas je 150,2 °C.

Oni produktas ĝin plej ofte tiel, ke oni reakciigas la oksigenon de la aero kun organikaj kemiaĵoj, ĉefe kun antrakinono aŭ izopropil-alkoholo.Oni vendas plej ofte hidrogenan peroksidon en denso de 35, 50, 70 aŭ 90% (akva solvaĵo), kiuj entenas ankaŭ stabiligilojn (plej ofte stanajn salojn kaj fosfatojn) por malpliigi la malkombiniĝon.

Je varmegigo aŭ je efiko de certaj materialoj, la hidrogena peroksido malkonstruiĝas al akvo kaj oksigeno. La procezon helpas la metalaj saloj kiel saloj de fero, kupro, mangano, nikelo kaj kromo.

Ĝi formas kun multaj kemiaĵoj kristalajn, solidajn materialojn, kiuj estas uzeblaj kiel malfortaj oksidenzoj (plej konata estas la natria perborato (NaBO₂ x H₂O₂ x 3H₂O aŭ NaBO₃ x 4H₂O).

La hidrogena peroksido reakcias kun certaj organikaj kemiaĵoj dum estiĝo de hidroperoksidoj aŭ peroksidoj.

La hidrogena peroksido plej ofte oksidas la aliajn materialojn, dum ĝin povas oksidi nur kelkaj kombinaĵoj (ekz. kalia permanganato).

Komponaĵoj

• Natria perkarbonato
• Natria peroksonitrato
• Natria peroksonitrito
• Natria perborato