Seslatero
Simbolo de Schläfli	{6}, t{3}
Verticoj	5
Lateroj	6
Geometria simetria grupo	Duedra (D6)
Areo	${\displaystyle {\frac {t^{\sqrt {}}}{}}}$ ${\displaystyle \ t^{.}}$ (t estas la latera longo)
Ena angulo	°

En geometrio, seslatero estas plurlatero kun ses randoj kaj ses verticoj. Ĝia simbolo de Schläfli estas {6}.

La enaj anguloj de regula seslatero (ĉe kiu ĉiuj flankoj kaj ĉiuj anguloj estas egalaj) estas ĉiuj po 120 °. Ĝi havas 6 liniojn de simetrio. Simile al kvadratoj kaj egallateraj trianguloj, regulaj seslateroj povas doni kahelaron de la eŭklida ebeno (tri seslateroj kuniĝas je ĉiu vertico), kaj (do, tiel) estas utila por konstruantaj kahelaroj. La ĉeloj de abelia mielĉelaro estas seslateraj ĉar la formo donas la plaj ŝparan uzon de spaco kaj konstrumaterialoj.

La areo de regula seslatero de flanka longo ${\displaystyle a\,\!}$ estas donata per ${\displaystyle A={\frac {3{\sqrt {3}}}{2}}a^{2}\simeq 2.598076211a^{2}.}$

La cirkonferenco de regula seslatero de flanka longo ${\displaystyle a\,\!}$ estas ${\displaystyle 6a\,\!}$, la maksimuma diametro estas ${\displaystyle 2a\,\!}$, kaj la minimuma diametro estas ${\displaystyle a{\sqrt {3}}\,\!}$.

Ne ekzistas platona solido el regulaj seslateroj. La arĥimedaj solidoj kun iuj seslateraj edroj estas la senpintigita kvaredro, senpintigita okedro, senpintigis dudekedro (fama de futbala pilko kaj fulereno C₆₀), senpintigita kubokedro kaj la senpintigita dudek-dekduedro.

Konstruado de seslatero

Regula seslatero estas konstruebla per cirkelo kaj liniilo. Jen estas ŝtupoj de ĉi tio en animacia maniero, donita per Eŭklidaj Elementoj, Libro 4, Propozicio 15.

Seslatera konstruada animacio

Karteziaj koordinatoj

La regula seslatero estas permuta hiperpluredro de ordo 3. La seslatero povas ankaŭ esti prezentita per pli simetriaj koordinatoj en tri dimensioj: ĉiuj permutoj de (1, 2, 3) formas verticojn de la seslatero en la 2-dimensia subspaco x+y+z=6. La konstruado povas esti ĝeneraligita al ĉiu n, kaj formi (n-1)-dimensian hiperpluredron, la verticoj de kiu estas ĉiuj permutoj de aro el n aĵoj. Ekzemple, la permutoj de (1, 2, 3, 10) formas uniforman senpintigitan okedron en 3-dimensia subspaco x₁+x₂+x₃+x₄=10; la permutoj de (1, 2, 3, 4, 5) formas uniforman entutotranĉitan 5-ĉelon en 4-dimensia subspaco x₁+x₂+x₃+x₄+x₅=15.

Seslateroj en la mondo

• 
  Abelia mielĉelaro
• 
  Karapaco
• 
  Norda polusa seslatera nubo sur Saturno, esplorita de Voyager 1 kaj konfirmita en 2006 de Cassini-Huygens
• 
  Neĝero
• 
  Kristalsistemo de molekula seslatero komponita de seslatera aromaj ringoj, raportita de Müllen kaj kunlaborantoj en Chem. Eur. J., 2000, 1834-1839.
• 
  Nature formitaj bazaltaj kolumnoj de Giganta Causeway en Irlando; grandaj masoj devas malvarmiĝi malrapide
• 
  Aera vido de Fortikaĵo Jefferson en Nacia Parko Seka Tortugas
• 
  La spegulo de spaca teleskopo estas farita el 18 seslateraj segmentoj.
• 
  Ŝraŭbingoj kaj boltoj kutime havas seslateran eksteran formon

Eksteraj ligiloj

• Difino kaj propraĵoj de seslatero kun interaga animacio
• Bildo de Cassini de bizara seslatero sur saturno Arkivigite je 2010-09-27 per la retarkivo Wayback Machine
• Saturna stranga seslatero Arkivigite je 2010-02-16 per la retarkivo Wayback Machine
• seslateroj ĉirkaŭ saturna norda poluso
• "Bizara Seslatero sur Saturno" - de space.com (27 marto 2007)

Vidu ankaŭ

• Centrita seslatera nombro
• Seslatera kahelaro
• Seslatera nombro