 Kiel legi la taksonomion | ||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
| ||||||||||||||
| Francolinus harwoodi (Blundell & Lovat, 1899) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj | ||||||||||||||
La Harvuda frankolino (Francolinus harwoodi) estas birdo de la familio de Fazanedoj de la ordo de Kokoformaj kaj grupo de afrikaj frankolinoj. Oni ĵus proponis reorganizadon de tiu specio de Francolinus en la genro Pternistis kun 23 aliaj specioj. Ĝi formas superspecion kun la F. icterorhynchus, F. bicalcaratus kaj la F. clappertoni.
Ĝi estas grizbruna birdo kun ruĝaj beko, kruroj, kaj nuda haŭtaĵo ĉirkaŭokula. Ambaŭ seksoj havas similan koloron, kvankam la ino estas pli pala kun pli etenda sablokolora ventro.[1]
Tiu frankolino estas endemia de Etiopio, kaj havas teritorion limigitan al la Etiopiaj Altaj Teroj ambaŭflanke de la Blua Nilo inter la lago Tana kaj ties kunfluo kun la rivero Jamma, same kiel ties alfluantoj inter tiuj punktoj. Dekomence oni supozis, ke ĝi loĝas en ejoj de Typha ĉe malgrandaj, neprofundaj akvofluejoj kaj arbustaroj de Akacio, studoj de 1996 trovis F. harwoodi en lokoj diferencaj. Ĝi estas minacata pro habitatoperdo, ĉar populacipremoj devigas lokanojn al marĝenajn arbustarojn favore de la birdo kiel sia habitato. F. harwoodi estas tre ĉasata por manĝo kaj foje estas kaptata por vendo en lokaj merkatoj; ankaŭ ties ovoj estas manĝoresurso.[2]
Referencoj
- ↑ Nigel Redman, Terry Stevenson, and John Fanshawe, Birds of the Horn of Africa: Ethiopia, Eritrea, Djibouti, Somalia, and Socotra (Princeton: University Press, 2009), p. 126
- ↑ BirdLife International 2008. Francolinus harwoodi. 2006 IUCN Ruĝa Listo de Minacataj Specioj. Versio 2010.2 Lasta konsultita la 22a Julio 2010.
Eksteraj ligiloj
| ||||||||||||||||||