Bazarohalo el la 15-a jarcento Milly-la-Forêt, Francio

En arkitekturo, halo estas relative granda spaco kovrita de tegmento kaj plejofte enfermita de muroj.

Laŭ Francisko Azorín halo estas Ampleksa, luma, alte tegmentita lokalo, diverscele konstruita.[1] Li indikas etimologion el greka halos (kronaĵo) kaj el tie la latina halos.[2]

La halo povas esti akcesora parto de konstruaĵo (ekz. enirhalo de hotelo, atendohalo de stacidomo) aŭ esenca parto de ĝi (festohalo, fabrikhalo, foirohalo ktp.). Kelkaj haloj, kiuj ŝirmas bazaron konsistas el nura tegmento sur kolonoj.

Vidu ankaŭ

Notoj

  1. ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo k. metio), Presejo Chulilla y Ángel, Madrido, 1932, paĝo 87.
  2. ↑ Azorín, samloke.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.