HAJAN ĤIROB Namĝilob, aŭ, en ĝusta mongola nomo estas "Namĵilijn Ĥajanĥjarvaa" (1885-1934), estis mongolo kaj la unua pioniro de Esperanto inter mongoloj. Li esperantistiĝis dum sia vojaĝo al Turkio kaj Sovetunio inter la jaroj 1920 kaj 1923. Reveninte al Mongolio 1924, li propagandis tie Esperanton laŭpove en malfacilaj kulturkondiĉoj de sia nomada lando kiel estro de lernejo de la popolrevolucia partio en la ĉefurbo Ulanbatoro (Urga).

Inter la jaroj 1921 kaj 1930, li tradukis plurajn verkojn el Esperanto al la mongola lingvo.

Li estis misjuĝita kaj pafmortigita en 1937 pro Stalina reĝimo kadre de la "Granda Purigo" - akuzita kiel "herezulo" kaj suspektita kiel ŝpiono.