D-ro Gyula Molnár [djula], laŭ hungarlingve kutima nomordo Molnár Gyula estis hungara klarnetisto, orkestrestro, mezlerneja kaj altlerneja instruisto, ornitologo, fotisto.

Gyula Molnár^[1] naskiĝis la 30-an de januaro 1944 en Szeged.

Biografio

Gyula Molnár aĝis 9, kiam la klarneto ravis lin, tial li frekventis ankaŭ muziklernejon. Tiutempe li interesiĝis ankaŭ pri birdoj kaj fotado. Dum la gimnaziaj jaroj li fondis orkestron, krome lia unua artikolo kun propraj fotoj aperis en media revuo. Li studis en Universitato Attila József, kie li akiris biologian-kemian diplomon en 1968, baldaŭ li doktoriĝis el ornitologio en 1983. Dum la studentaj jaroj en 1963 li fondis ŝlagrorkestron, sed en la sekva jaro li estis fondinto de Molnár Dixieland Band. Post siaj studoj li instruis biologion. En 1966 lia orkestro partoprenis en festivalo de Salgótarján, poste ili estis aŭdeblaj en Hungara Radio. Iom poste ili muzikadis kune kun Chris Barber, Acker Bilk kaj Tony Scott, sed ankaŭ liaj fotoj konstante aperis. Li havis ĉefpostenon en la ornitologia asocio inter 1986-1994, poste li ekinstruis en la menciita universitato. Li ricevis plurajn premiojn. Lia edzino estas muzikisto.

Lia libro

• Az én Alföldem (2010)

Fontoj

• hungarlingva biografio kun foto
• hungarlingva biografio Arkivigite je 2019-09-26 per la retarkivo Wayback Machine

Referencoj