| Guru Nanak | |
|---|---|
 | |
| Persona informo | |
| Naskiĝo | 15-an de aprilo 1469 en Nankana Sahib,  Delhia Sultanlando |
| Morto | 7-an de majo 1539 (70-jaraĝa) en Kartarpur,  Mogola Imperio |
| Lingvoj | panĝaba |
| Familio | |
| Patrino | Mata Tripta |
| Frat(in)o | Bebe Nanaki |
| Edz(in)o | Mata Sulakhni |
| Infanoj | Sri Chand • Lakhmi Das |
| Okupo | |
| Okupo | guruo |
Majstro Nanako, Guru Nanak, (1469-1539), estas la fondinto de sikismo. Li estas la unua el la dek majstroj de tiu religio.
Junaĝo
Nanako estis naskita en Talwandi, nun Nankana Sahib, proksime de Lahore nun en Pakistano. Liaj gepatroj estis hinduoj el la kasto de komercistoj. Jam en knabaĝo Nanakon tre logis religio.
Nanako edziĝis kaj naskigis du filojn. Dezirante esplori la misterojn de vivo, li elhejmiĝis. Li vagadis tra tuta Hindujo kiel hinduaj sanktuloj. En tiu periodo, Nanako eksciis pri la instruo de kabiro (1441-1518), sanktulo respektata kaj de hinduoj kaj de islamanoj.
Prediko
Post jaroj da vagado, Nanako sentis sin vokita al instruo. Li predikis antaŭ ĝajnaj, hinduaj kaj islamaj preĝejoj, kaj logis plurajn disĉiplojn. Li pensis, ke religio estas ligo por unuigi homojn, dum ke ĝi en realo kontraŭmetas homojn. Li precipe bedaŭris la malamikecon inter hinduoj kaj islamanoj. Li volis forigi tion, kaj tial ofte li diris "ne estas hinduo kaj ne estas islamano".
Instruado
Post siaj predikaj vojaĝoj Nanako ekloĝis en Kartapur ĉe la bordo de rivero Kavi. Li restis tie ankoraŭ 15 jarojn, instruante al la disĉiploj (sikoj), kiuj sekvis lin kaj plu venis al li. Tiuj komencis rigardi lin majstro, alivorte guruo.
Tie li instruis vivadon en la mondo, sen aparteco de pastroj aŭ ermitoj, komunan manĝon (langar) sen atento al riĉo aŭ malriĉo, sen atento al kastoj. Li nomumis la disĉiplon Lehna dua majstro de sikoj kun la nomo Guru Angad.