 |
Por samtitolaj artikoloj vidu la paĝojn Gryon (stacidomo) kaj Gryon Barboleuse (stacidomo). |
| Gryon | |
|---|---|
 Blazono de Gryon | |
| Blazono de Gryon | |
 Vilaĝocentro de Gryon | |
| Vilaĝocentro de Gryon | |
| komunumo en Svislando | |
| Kantono | Vaŭdo |
| Distrikto | Aigle |
| Geografia situo | CH1903: 571026 / 124758 (mapo)46.2736111111117.0627777777778Koordinatoj: 46° 16′ N, 7° 4′ O; CH1903: 571026 / 124758 (mapo) |
| Nombro de loĝantoj | 1209 |
| Areo | 15,22 km² |
| Alteco | 1114 m super marnivelo |
| Poŝtkodo | 1882 |
| Komunumkodo | 5405 |
 Mapo de Gryon | |
| Mapo de Gryon | |
Gryon estas komunumo en la distrikto Aigle en Kantono Vaŭdo, Svislando. Ĝi havis 1 209 loĝantojn je la 31-a de decembro 2012.
Geografio
La komunumo Gryon situas en la Vaŭdaj Alpoj, sudoriente de Bex. La komunumo konsistas el la vilaĝoj Gryon, Rabou (sur alteco de 1130 m s.m.), La Barboleusaz (sur alteco de 1211 m s.m.), kaj la alposetlejo Taveyanne (sur alteco de 1 647 m s.m.).
La teritorio de la komunumo etendiĝas sur areo de 15,22 km², de kiuj 47,3% estas kovritaj de arbaro, 32,6% servas por agrikulturo kaj 11,2% por setlado. [1]
Najbaraj komunumoj
La komunumo Gryon limas en nordo al Ollon, en oriento al Ormont-Dessus, kaj en sudo kaj okcidento al Bex.
Trafiko
Tra Gryon pasas la kurboriĉa kantona ĉefvojo n-ro 147, la tiel nomita Route de Gryon, kiu kondukas de Bex al Ollon. La plej proksima alveturejo al la svisa aŭtovojo A9, situas 5 kilometrojn sude de la komunumo en Bex. Pere de la etŝpura dentorada fervojo de Bex al Villars-sur-Ollon la komunumo estas konektita al la publika transportreto.
Historio
La unua dokumenta mencio de Gryon datiĝas el la jaro 1189 kiel Griuns. Surbaze de donacoj Gryon en mezepoko fariĝis havaĵo de la Abatejo Saint-Maurice. Sub la berna regado de 1484 ĝis la Helveta Revolucio de 1798 Gryon havis apartan statuson, tio signifas la jurisdikcio restis sub la Abatejo Stain-Maurice, dum la apelacia tribunalo troviĝis en Salaz. La komunumon gvidis komunuma asembleo. Dum la tempo de la Helveta Respubliko Gryon apartenis al la Distrikto Aigle de Kantono Lemano kaj kun tiu en la jaro 1803 estis integrita al la nove fondita Kantono Vaŭdo.[2]
Konataj komunumanoj
- Juha Vainio, finna kantisto, kiu mortis en Gryon en 1990
Notoj kaj referencoj
Vidu ankaŭ
Eksteraj ligiloj
- Vidu ankaŭ en la Vikimedia Komunejo la kategorion Gryon – (Kolekto de bildoj kaj plurmediaj dosieroj)
Bildoj
Preĝejo de Gryon
Vido de Barboleusaz
Lignaj domoj en Gryon
| ||||||
