Skema bildo de la Golfa Marfluo
La Golfa Marfluo estas varma, rapide fluanta marfluo en la atlantika oceano. Pro la varmotransporto ĝi efikas kiel granda hejtilo, danke al kio grandaj partoj de okcidenta kaj norda Eŭropo, kiel Irlando, Britio kaj Skandinavio havas multe pli varman klimaton ol ilia latitudo supozebligas.
La Golfa Marfluo movas ĝis po 1,5 ⋅ 108 kubajn metrojn da akvo sekunde, tio estas pli ol 100-oble la kvanto de ĉiuj riveroj de la mondo. Ĝi transportas ĉirkaŭ 1 petavaton da energio. Tio estas la energio de ĉirkaŭ 1 miliono da nuklearaj fabrikoj.
La Golfan Marfluon nomis tiel Benjamin Franklin kaj temas pri la Meksika Golfo. Antaŭe oni nomis ĝin Florida Marfluo, kaj sur mapoj de la 16-a kaj 17-a jarcentoj troviĝas la nomo Bahama Kanalo.
Vidu ankaŭ
Eksteraj ligiloj
- Max-Planck-Instituto por Meteorologio: Golfa Marfluo Arkivigite je 2006-10-14 per la retarkivo Wayback Machine germane
- Golfa Marfluo: fono, aktualaĵoj, skemoj, lerniloj, gazetartikoloj germane
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.