| Giffers | |
|---|---|
 Blazono de Giffers | |
| Blazono de Giffers | |
 Giffers | |
| Giffers | |
| komunumo en Svislando | |
| Kantono | Friburgo |
| Distrikto | Sinĝino |
| Koordinatoj | 46° 45′ 41″ N 7° 12′ 37″ O / 46.76139 °N, 7.21028 °O (mapo)Koordinatoj: 46° 45′ 41″ N 7° 12′ 37″ O / 46.76139 °N, 7.21028 °O (mapo) |
| Nombro de loĝantoj | 1420 |
| Areo | 5,21 km² |
| Alteco | 767 m super marnivelo |
| Poŝtkodo | 1735 |
| Komunumkodo | 2294 |
 Mapo de Giffers | |
| Mapo de Giffers | |
Pri la komunumo
Giffers (en la franca lingvo Chevrilles) estas komunumo en la distrikto Sinĝino en Kantono Friburgo, Svislando. Ĝi havis 1420 loĝantojn je la 31-a de decembro 2010.
Geografio
Giffers situas en la transirzono de la Friburga Mezlando al la Friburgaj Antaŭalpoj ĉe la norda bordo de la rivero Ĝerino (en al germana lingvo Aegera), kiu formas la sudan komunumlimon. La komunumo konsistas el la vilaĝo Giffers kaj la vilaĝetoj kaj setlejoj Färtschera, Gauchetli, Matte, Neustatt, Popplera kaj Vorsatz.[1]
La teritorio de la komunumo etendiĝas sur areo de 5,21 km², de kiuj 19,5% estas kovritaj de arbaro, 64,8% servas por agrikulturo kaj 13,6% por setlado. [2]
Najbaraj komunumoj
La komunumo Giffers limas en nordo al Tentlingen, en oriento al Rechthalten, en orientsudoriento en unu punkto al Plaffeien, en sudoriento al Plasselb, kaj en sudo kaj sudokcidento al Sankt-Silvestro FR.
Trafiko
Tra Giffers pasas la kantona ĉefvojo 178 de Friburgo al Plaffeien kaj la kantona vojo n-ro 1210 kondukas de Giffers al Montrévaz. La plej proksima alveturejo al la svisa aŭtovojo A12 situas proksimume 7 kilometrojn sudokcidente de la komunumo apud Friburgo. Per tri buslinioj de la Publika Transportentrepreno Friburga la komunumo estas konektita al la publika transportreto.
Historio
La unua dokumenta mencio de Giffers datiĝas el la jaro 1160 kiel Chivriles. La senjoreco en la 1-a duono de la 12-a jarcento apartenis al la Baronoj de Glano kaj poste fariĝis havaĵo de la Monaĥejo Hauterive. En la jaro 1317 la senjoreco pri Griffers estis aĉetita de Grafo Petro la 3-a de Grejerco, kiu ĝi vendis en la jaro 1324 kun supera kaj malalta jurisdikcio al la friburga urba kuracisto Petrus Aczonis. En la jaro 1406 Giffers estis atribuita al la Burga Flago de Friburgo. En la jaro 1442 per la akiro de la feŭdo de la Grafoj de Thierstein, la urbo Friburgo fariĝis posedanto de multnumbraj bienoj en Giffers. En la jaro 1832 Giffers konstituiĝis kiel aparta komunumo en la Germana distrikto de Friburgo. Surbaze de la nova konstitucio de 1848 ĝi estis atribuita al la nove kreita distrikto Sinĝino.[3]
Notoj kaj referencoj
Eksteraj ligiloj
- Vidu ankaŭ en la Vikimedia Komunejo la kategorion Giffers – (Kolekto de bildoj kaj plurmediaj dosieroj)
