Georgios A. Papandreu Γεώργιος Α. Παπανδρέου
Persona informo
Γεώργιος Παπανδρέου (νεότερος)
Naskiĝo	16-an de junio 1952 en Saint Paul, Minesoto
Religio	Eklezio de Grekio vd
Etno	grekoj vd
Lingvoj	moderna greka • sveda vd
Ŝtataneco	Grekio • Usono vd
Alma mater	Amherst College • Londona Lernejo de Ekonomiko • Universitato Harvard • Londona Lernejo de Ekonomiko • Universitato de Stokholmo • King City Secondary School • Kolegio de Ateno vd
Partio	Tutgrekia Socialista Movado
Subskribo
Familio
Dinastio	Family Papandreou vd
Patro	Andreas Papandreou vd
Patrino	Margaret Chant-Papandreou vd
Gefratoj	Sofia Papandreou • Emilia Nyblom • Andreas Papandreou • Níkos Papandréou vd
Profesio
Okupo	politikisto • diplomato • sociologo vd
Postenoj Postenoj Ĉefministro de Grekio • President of the Socialist International • Minister for Foreign Affairs of Greece • Minister of National Education and Religious Affairs of Greece • Minister for Foreign Affairs of Greece • Leader of the Opposition • Greek undersecretary of Culture • member of the Hellenic Parliament • member of the Hellenic Parliament • member of the Hellenic Parliament • member of the Hellenic Parliament • Minister for Foreign Affairs of Greece vd
Honorigoj Honorigoj Granda Kruco de la ordeno de la Krono • Granda Kruco de la ordeno de Izabela la Katolikino • Ordeno de la Blanka Stelo de Estonio, Unua Klaso • Granda Kruco de la Ordeno de la Suno de Peruo • Granda Meritkruco de la Federacia Respubliko Germanio • Commander with Star of the Order of Merit of the Republic of Poland • Grand Cross of the Order of Civil Merit • Granda Kruco de la Ordeno de Princo Henriko vd
En TTT	Oficiala retejo vd
Ĉefministro de Grekio
Dum	6-a de oktobro 2009 – 10-a de novembro 2011
vd	Fonto: Vikidatumoj

Georgios PAPANDREU (foje latinliterigita ankaŭ Giorgos respektive Papandreou), plennome Georgios Andrea Papandreu (greke Γεώργιος respektive Γιώργος Ανδρέα Παπανδρέου, naskiĝis la 16-an de junio 1952 en Saint Paul, Minesoto) estas greka politikisto. Li estas membro de la Tutgrekia Socialista Movado kaj ekde februaro 2004 estas ties prezidanto. Krome en 2006 li fariĝis prezidanto de la Socialista Internacio.

Laŭ la rezulto de la parlamenta baloto de la 4-a de oktobro 2009, du tagojn pli poste li oficiale estis deklarita la nova ĉefministro de Grekio. Jam antaŭe inter la jaroj 1999 kaj 2004 li estis la ministro pri eksteraj rilatoj de la lando, kaj de tiam estis la gvidanto de la parlamenta opozicio.

Li anstataŭigas la politikiston Kostas Karamanlis, kies registaro ekde 2008 estis publike forte kritikata interalie pro pridisputebla financa transakcio inter la greka ŝtato kaj la monaĥejo Vatopedi sur la sankta monto Athos. Kaj la daŭre ne plene solvita skandalo kaj la ĝenerala finance kriza situacio de la lando fine en septembro 2009 instigis la ĉefministron Kostas Karamanlis peti la grekian prezidenton pri plifruigita parlamenta baloto, kiu por Karamanlis rezultigis drastan perdon de voĉoj en tiu baloto (8 procentaĵojn kompare al la lasta).

Tamen, la politika kaj ekonomia krizo daŭris dum lia regado, kaj fine en novembro 2011 li estis devigita demisii, post la premo de la internaciaj merkatoj kaj la registaroj de aliaj eŭropuniaj landoj. Lin anstataŭis teknokrata ekonomikisto Lukas Papadimos.

Deveno kaj eduko

La politikisto estas la nepo de la liberala politikisto Georgios Papandreu, kiu inter 1944 kaj 1945, kaj denove inter 1964 kaj 1965 estis ĉefministro de Grekio, forte kontraŭbatalita de la anoj de la tiama instalita armea diktaturo en Grekio, kaj filo de Andreas Papandreu, kiu same estis kontraŭbatalita dum la instalo de la armea diktaturo kaj enkarcerigita en 1967, kaj kiu poste inter 1981 kaj 1989 kaj denove inter 1993 kaj 1996 estis ĉefministro de Grekio.

Georgios Andrea inter la jaroj 1972 kaj 1972 vizitis la universitaton de Stokholmo, sekve de 1975 ĝis 1979 la Amherst-kolegion en Usono kaj diplomiĝis pri sociologio. Plue li studis en la Londona Altlernejo pri Ekonomiko kaj Politika Scienco.

Antaŭe:	Ĉefministro de Grekio	Poste:
Kostas Karamanlis	2009–2011	Lukas Papadimos