| Georg Eder | |||||
|---|---|---|---|---|---|
ĉefepiskopo de Salcburgo  | |||||
 Blazono ĉefepiskopa de Eder | |||||
| Persona informo | |||||
| Naskiĝo | 6-an de marto 1928 en Mattsee | ||||
| Morto | 19-an de septembro 2015 (87-jaraĝa) en Mattsee | ||||
| Religio | katolika eklezio vd | ||||
| Lingvoj | germana vd | ||||
| Ŝtataneco | Aŭstrio vd | ||||
Memorigilo  | |||||
| Profesio | |||||
| Okupo | katolika sacerdoto • teologo • katolika episkopo vd | ||||
| |||||
| vd | Fonto: Vikidatumoj | ||||
Georg EDER (naskiĝis en la 6-an de marto 1928 en Mattsee, mortis samloke la 19-an de septembro 2015[1]) estis salcburga ĉefepiskopo.
Vivo
La filo de kamparano frekventis ekde 1946 la gimnazion Kollegium Borromaeum Salzburg kie li trapasis la abiturientan ekzamenon. Poste li eniris la porpastran seminarion en Salcburgo. Li ordinitis sacerdoto en la 15.7.1956 fare de Andreas Rohracher en la Katedralo de Salcburgo kaj nomumitis episkopa sekretario post animzorgada tempeto en Zell am See. La sekvantajn jarojn Eder daŭrigis la teologiajn studojn kaj doktoriĝis en 1964 sub Josef Dillersberger pro disertacio bibliscienca pri la agado de la Sankta Spirito en la Johano-evangelio (ĉapitro 14).
En 1965 Eder iĝis paroĥestro en Lofer kaj estis paralele pormesknabina animzorganto de la diocezo. De 1968-70 li estis generalsekretario por la problemoj de la tirolanoj ene de la diocezo. En 1970 Eder iĝis paroĥestro en Altenmarkt im Pongau, en 1981 krome dekanejestro.
En la 21.12.1988 la katedralkapitulanoj elektis lin ĉefepiskopo de Salcburgo, 88-a posteulo de Sankta Ruperto kaj 77-a ĉefepiskopo. Nomumo papa estis en la 17.1.1989.
Agadoj dum episkopeco
Por subteni la interparoladnivelon de la lokaj eklezianoj kaj apogi la unuecon de la fideluloj Eder kunvokis la t.n. Diocezan forumon kiu kunsidis en 1994-96. Liaj taksoj pri ĝi estis pozitivaj sed tamen ne blinde entuziasmaj. Fokuson li metis je la plimultigo de kandidatoj por pastreco kaj je la pliŝato de geedzeco kaj familia vivo. Pro konservemaj vidpunktoj koncerne moralon kaj ekumenismon li ofte kritikitis. La Sacerdotan Fration Sankta Petro li bonvenigis en Salcburgo kaj metis la Sebastiano-kirkon je dispono de la ŝatantoj de la Trenta meso.
En la 23.11.2002 papo Johano Paŭlo la 2-a akceptis la intencon de Eder demisii pro maljuneco.
Honoroj
- 1997: Großes Goldenes Ehrenzeichen mit dem Stern für Verdienste um die Republik Österreich
- Großkreuz des Ehrenzeichens des Landes Salzburg
- 2003: Ring der Stadt Salzburg
Notoj
Eksteraj ligiloj
- Informoj pri Georg Eder en katalogo de la Germana Nacia Biblioteko (germane)
- Artikolo okaze de la demisio, kun fotoj Arkivigite je 2005-11-11 per la retarkivo Wayback Machine
- Eder ene de la katolika hierarkio
- Artikolo de Eder pri la gimnazio Borromaeum Arkivigite je 2015-04-02 per la retarkivo Wayback Machine