Generalo, ĉe militistaroj de preskaŭ ĉiuj nacioj, nomiĝas la plej alta rango (kaj, pli vastasence, tuta grupo de la plej altaj rangoj) de oficiroj de la terarmeo kaj aerarmeo dum pactempo, kaj tiuj altrangaj oficiroj mem. Kelkaj nacioj ordenas gvidajn armeestrojn, kutime dum aŭ pro milito, pro elstaraj agoj aŭ pro eksterordinara rolo per titoloj, kiuj superas generalon: marŝalo, ĉefgeneralo, generalisimo aŭ armegeneralo.

Generalecon oni kutime indikas per oraj aŭ arĝentaj steloj sur epoletoj (aŭ aliloke sur uniformo) kaj (por por distingi generalojn en la vasta senco) per la nombro kaj per relativa grandeco de la steloj. La (plena) generalo de NATO-ŝtatoj portas kvar stelojn kaj tial estas ofte nomata kvarstela generalo. Por emfazi tian malvastan sencon de la vorto "generalo", oni kelkfoje eksplicite diras plena generalo.

Francio

• Brigada generalo: 2 steloj
• Divizia generalo: 3 steloj
• Generalo de armea korpuso: 4 steloj (Général de corps d'armée, ekvivalenta al Generalleŭtenanto)
• Armea generalo: 5 steloj

Rusio

• Generalmajoro: 1 stelo
• Generalleŭtenanto: 2 steloj
• Generalkolonelo: 3 steloj
• Armea Generalo/Generalo de la Armeo: 1 pli granda stelo (40 mm)

Usono

• Brigada generalo: 1 stelo
• Generalmajoro: 2 steloj
• Generalleŭtenanto: 3 steloj
• Generalo: 4 steloj
• Generalo de la Armeo: 5 steloj (General of the Army, ekvivalenta al Marŝalo))

Eksteraj ligiloj

• The Generals of WWII angle

Proverbo

Ekzistas proverboj pri generalo en la Proverbaro Esperanta de L. L. Zamenhof^[1]:

• 	„ Bona kaporalo revas esti generalo. ”

• 	„ Inter generaloj parolu pri bataloj. ”

• 	„  Kiu ne estis kaporalo, ne estos generalo.  ”

Referencoj