GNU LibreJS

GNU LibreJS 6.0.9 kun Vikipedio

GNU LibreJS 6.0.9 kun Vikipedio
Programisto Ruben Rodriguez, Nik Nyby
Evoluigstato Aktiva
Programtipo Retumila etendaĵo
Permesilo GNU GPL v3[1]
Retejo gnu.org/software/librejs/
GNU LibreJS
etendaĵo por Firefox • GNU-pakaĵo • libera programaro vd
Dum 2011 - nekonata/nuntempe
TTT Oficiala retejo

GNU LibreJS, aŭ simple LibreJS, estas libera retnavigila etendaĵo por Mozilla Firefox kaj siaj derivaĵoj, kreita de la Projekto GNU. Ĝia celo estas bloki malliberajn, netrivialajn JavaScript-programojn kaj permesi liberan aŭ trivialan JS-kodon en la retumilo de la uzanto. La etendaĵo estis kreita por solvi la problemo priskribita de Richard Stallman en lia artikolo "La JavaScript-kaptilo",[1] situacio en kiu multaj uzantoj nescie funkciigas malliberajn programojn en siaj retnavigiloj.[2]

Priskribo

GNU LibreJS celas bloki malliberajn JavaScript-programojn kiuj estas en multaj retejoj. Ĝi estis programita kiel parto de la Projekto GNU de Ruben Rodriguez kaj Nik Nyby,[1] kaj estas liverata defaŭlte en la retumilo GNU IceCat.[3] Ĝi ankaŭ funkcias kun Tor.[4]

La etendaĵo permesas listigadon de retejoj je blanka listo kaj havas retpoŝtadresan detektadan sistemon por uzantoj kontakti retejestrojn por konvinki ilin igi ilian JS-kodon kongrua kun LibreJS.[5] Laŭ la Free Software Foundation, multaj retejoj paneas dum la uzado de la etendaĵo, pro la ĉieesto de mallibera JavaScript-kodo tra la reto.[6] Malgraŭ tio, programisto kaj aktivulo Richard Stallman subtenas la uzadon de GNU LibreJS.[2]

Referencoj

  1. 1 2 3 GNU LibreJS. GNU.org. Alirita 2015-07-23.
  2. 1 2 Richard Stallman. The JavaScript Trap. GNU.org. Alirita 2015-07-23.
  3. ↑ GNUzilla and IceCat. Free Software Foundation.
  4. ↑ n8willis (2014-12-03). GNU LibreJS 6.0.6 released. LWN.net.
  5. ↑ LibreJS - News. Savannah.
  6. ↑ wtheaker (2013-10-23). LibreJS reaches version 5.4. Free Software Foundation.

Eksteraj ligiloj

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.